(اقول)




ياذيب لوماني بهجـرس واغنـي
في ذا الزمن قد مت من قبل عامين
لكن هواجيسـي لياضقـت جنـي
ونسجت من فكري من الشعر بيتين
حلفت مااتبـع واحد"صـد عنـي
ماني من اللي يتبعـون المقفيـن
اللي ماحصـل مايبـي لـد منـي
ابرك لنا لدتـه ياجعلهـا سنيـن
لايحسبنـه بالـصـدود يغبـنـي
غبني لو اني مااعرف نيته زيـن
شهرين يمدح في جنابـي وكنـي
بحمي العرب ولابحـرر فلسطيـن
يستلطف بهرجه عسـاه المطنـي
مايدري انا عـن خفايـاه داريـن
ياشين طبع المصلحـه والتونـي
تهين قدر الرجل لوهو حمر عيـن
انـا محمـد مـن بغانـي زبنـي
لايجلس يلفلف لي يسـار ويميـن
باْرضيه وافتح لـه دروب التمنـي
ماهمني لوادبـل الديـن بالديـن
اما الذي له كـم شهـر ممتحنـي
لوصد خليته علـى فالـه الشيـن




(وهذا رد ذيب)




يامحمدابن حسين علمـك وصلنـي
وحنا على علم المطاليـق ضاميـن
فيامرحبـا ياللـي بعلمـه قصدنـي
ترحيبة الشفقـاء بنـاس عزيزيـن
يامـا نهوجـس والامانـي تمنـي
ماهي غريبه ىيصبح الراس راسين
الاليـا قـال ابـن حثليـن عـنـي
ماقالها صقر النصافي علـى فيـن
الطيب لهل الطيـب ماخـاب ظنـي
شلفى وريعـه والمواقيـف حديـن
امـا يشـوق الفعـل والا يعـنـي
والا يعيش الفعل في ثـوب بعديـن
واللي نكر طيب العـرب ماشحنـي
خل الليالي تشخلـه بيـن جاليـن
خلك مع اهـل الكيـف هيل"وبنـي
اللي على فعل المواجيـب شفقيـن
وان صار بعض الناس يهوى التجني
خله ولاتنشد على وين مـن ويـن
خوة ردي السـاس شيعـي وسنـي
ماجملـت يالقـرم خـوة رديـيـن
دايم ضعيف النفـس ظلـع امتثنـي
لحصحص اللازم من اول وذلحيـن
وخـوة هـل العليـا لزوم"لزمنـي
تبقى مواقفهـم حجاج"علـى العيـن
والاانت يـاروس الرجاجيـل غنـي
دامك كفـو والفعـل والله ونعميـن
اما الشنب راسـه وتسعيـن جنـي
مايلعـب الدحـه بـدار السلاطيـن

بيض الله وجهك يا محمد انت والعبيدي

__________________

ياسلام عليكم

جعل السنتكم ماتعجم

ووجهك ابيض يابومسفر

صح بدنك ياماجد والله لايهينك

صح لسانك يابو/حسين وصح لسان العبيدي0
مع تمنياتي لكم بالتوفيق0

__________________

.
.

الله الله ابدعتوا بيض الله وجيهكم ,,

صحت السنتكم واعتلا ششانكم

صح بدنك ياغشام ومشكور على المرور

ووجهك ابيض ياابن عامر لاهنت على المرور

صح لسانك يابو/حسين وصح لسان العبيدي0
مع تمنياتي لكم بالتوفيق وتقبل مرووري

__________________