[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياوجودي من عنا الوقت والضرف الكليف=حالـتـي حـالـه وعـيـنـي مطـاولـهـا الـسـهـر
وجد عـودٍ يكـرم الضيـف ويضـد الحفيـف=وابتلاه الوقـت لقشـر وهقـاه القشـر
كـان لامنـه عـدا يقـسـم صـفـوفٍ صفـيـف=يـمـنـع الـتـالـي ويــفــزع لــمــا رد الـخـبــر
غير عقب الفعل لاول غـدا عزمـه ضعيـف=صـار بيـن اثنيـن لاسـار والـشـوف انقـصـر
بندقـه تبكيـه والـرمـح والهـجـن العسـيـف=والصفـوف العـوج والـدرع والجـوخ الحمـر
والرفيـق اللـي ورا القـوم ماعيِـن نصيـف=اذبـحـوه الـقـوم واقـفــوا بحـسـكـات الـوبــر
ضايـقٍ صـدره ودمعـه علـى خــده ذريــف=يـوم شـاف جمـوع ربـعـه وغـيـب ماحـضـر
يسمع ان ربعه ولاخصام في حربٍ عنيـف=خـايـف ان الجـيـش يكـسـر ولكـنـه انـكـسـر
بعدها مـن ضيقتـه صـار فـي مخـه نزيـف=انغبـن مـن ضيـم ربعـه ومـات امــن القـهـر
لو بقى ساعه وهـو حـي غيـر الله لطيـف=شـل عزمـه صــوب سيـفـه وسـلـه وانتـحـر
الـزمـن قـاسـي ولايــام خافـيـهـا مـخـيـف=يالله انـــك لاتكـلـنـا عــلــى جــــور الــدهــر [/poem]

صح لسانك يافلاح والله يجعل لنا ولكم مخرج من الزمان الشين

ياسلام ياسلام

صح الله السااااانك وانا اخوك

على هاذي الدرر الراااائعه

__________________

ارحب يافلاح

وصح لسانك وبيض الله وجهك

انت وافي ولا تجيب الا العلوم الوافيه

ننتظر جديدك

تحياتي

__________________

ابو محسن صح بدنك والله يسمع منك

والله لا يهينك على حضورك المشرف

الأخ رائد الله يسلمك ويجمل حالك وصح بدنك

الرائع حضورك وتواجد دمت بكل خير

ابو عساف صح بدنك والله يبقيك ووجهك ما يلام

وما عليك زود يالوافي وابشر بكل ما هو جديد

الشاعر فلاح الشدقاء


صح الله لسانك واعتلى شانك


شاعر كبير ولا فيك حيله


قصيدة استمتعت بقراءتها امرار لما فيها من تصوير وجزاله


ولايبطي جديدك ياكحيلان

مبدع يافلاح،،
مبدع بحق،،
تعرف رأيي فيك ياوجه محلف،،
سلمت ودمت بود يالغالي،،،