السلام عليكم

هذه الاشياء تصير فقط في السعودية


دائماً مسرعين وماوراهم ولاااااا شي


ألام السعودية اذا ضاع ولدها تبكي .. وإذا لقته طقته


كل الحريم يقولون عيالهم ما يآكلون
حتى السمين: مسيكين وليدي مهوب يآكل أبدددد


عند السعوديين .. كل الهنود و الاجانب اسمهم محمد


الحريم اذا اتصلوا على الرجال
اول كلمه تكون : وييييينك؟
الرد دايم : قريب


أم توصي عيالها : اذا سألوكم اي شيء .. قولوا مدري


فشلتونا : كلمة يقولها الاب لأهله إذا جاء يمشيهم


الضيوف يمسكون البزر ويحرجونه : من تحب اكثر امك والا ابوك؟


يستخدمون كأسات الجبنه للشرب


في عز الفرحة "مناسبه سعيدة، عيد، سفر، مجتمعين على الغداء ..الخ"،
تلقى الام تهاوش بناتها و الولد يضرب اخواته والاب شايل هم الدنيا


انخطبتي.. ؟ .. اصص لا تعلمين احد .. !!
نجحت .. ؟ .. اصص لا يدرون ..!!
وكله عشان لا يطقونها عين ..


لا تسلمين خليها هي تسلم .. ويخلص العرس وماسلموا على بعض


إذا بتتزوج ما تعلم .. إذا حامل ما تعلم .. إذا بتسافر ما تعلم .. إذا مرضت ما تعلم .. إذا نجحت ما تعلم .. إذا سقطت ما تعلم ..


سلام الحريم : هلا وشلونكم وشخباركم وعساكم بخير وشلون عوالكم وشلونكم و شلون شايبكم وشلونكم و شخباركم وعساكم طيبين وشخباركم وكل ذا في 30 ثانيه


عند كل سوق لازم تلقى مجموعه شباب يبون يدخلون .. وهم يدرون أنه عوائل


سعودي يسأل عامل اجنبي ...
انتا مسلم؟
مين كفيل؟
وين شغل؟
كم سالاري؟
ايش اسم انتا يا محمد ..



حالة طوارئ يوميا الساعه السابعه صباحا


بناتنا متعقدين من " اذا تزوجتي " سوي اللي تبين !!


رمضان حزة اذان المغرب: اذن ..؟
لا ما اذن ..؟
الا كني سمعته ..!
اطلع شف اذن ولا لا ..؟
اسئلو بالبيري اذن .. ؟
طيب حطو القناة الاولى نشوف ...


الرجل السعودي : يلا انا عند الباب اطلعي وهو باقي له ربع ساعه ياصل البيت ...


مواصفات زوجة المستقبل عند اي سعودي ..
طويلة وبيضا وشعرها طويل .. في الاخير يتزوج العكس


اذا صرت انسان واصل ودايم تسأل صرت انسان نشبه ..!
واذا سحبت عليهم قالو وينك ماتنشاف ..!


الام تشتري حلاو وتخشه عن عيالها ... لين تنتهي صلاحيته ..!


الأم : يا وليدي ارجع للبيت بسرعه بس ( لا تسرع ) ..!!
مسئلة صعبة .. !


السؤال اللي مابطّلوه
إذا شافوا ولد في عزيمة .. تدرس ؟؟
سنة كم ؟؟
ماشاء الله نجحت ؟؟


اذا معانا مشروب .. او حلاو .. و نشب فينا بزر
نقول .. هذا دوا يابابا .. دوا


نتواعد نطلع 6 وتصير الساعه 8 ولسه ماطلعنا


يحبون ياكلون مفاطيح بس يحرصون على ان الببسي يكون دايت


الصغار ما يحبون يسلمون عالضيوف الا بالغصب ..
وبالعيد ما يخلون احد ما يسلمون عليه عشان العيديه


الطفل السعودي اذا كان بالشارع ومرت سياره يشوت نعلته علشان تدعسها السياره


المرأه السعوديه تكلم صاحباتها : الاجازه اللي فاتت صيفنا بباريس والاجازه هذي متحيرين نروح لسويسرا او النمسا بس القهر ماحصلنا حجز
والنهايه كورتيش الخبر


العائله السعوديه اذا راحوا لمكه لازم يسكنون بنفس الشقه حقت العام والا ماكأنهم راحوا لمكه

الله يستر عليـيـيـك والله فضحتنا؟؟؟


نسيت حاجه وتقاها في الأفلام القديمه حقت الحج؟؟؟


جمس حمر موديل 85 والقربه معلّقه في الصدام... وجنوب الذبايح معلقه في المرايات والعرشه....


والله أبدعت يابو عصام... أبدعت...

لقيت ثمان صفات تنطبق علي

الاعتراف بالحق فضيلة

يا ليت كل واحد يرد يقول كم صفة تنطبق عليه

__________________

هههههههههههههههههههه

العجيب أن أكثرها موجود ومُلاحظ في حياة الأغلبية

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ولدي يسمي كل العمال محمد <<< مدري من وين جاب هالفكره


مع اني اسميهم محمد !!!




واذا شاف هنود متجمعين قال بابا شف محمدات









.

__________________
صلوا على محمد

اللهم صلي وسلم على اشرف الخلق وخاتم الرسل محمد بن عبدالله وعلى آله وصحبه وسلم

[إذا مَرت الأَيام ولم تَرُوني فَهذه مُشَارَكَاتِي فَتَذكروني ...
وإن غِبت ولم تًجدوني أكون وَقتها بِحاجه للدُعاء فادعولي ]

هههههههههههههههههههههههههههههههههههههههههه

الله يرج عدوك يابو عصام وربي ضحكت من قلب لأن هالاشياء عشتها

انا بنفسي الا الزوجه اتمناها قصيره ودبيه اربها تطلع العكس

لاهنت يابو عصام

__________________

قل امين يا ابن دغيم ..

الله يزوجك سورية من درعا ..

صبحك بالخير اخوي فهد

الله يخلي لك ولدك ويوفقك ويصلحه ... الولد متعلم من ابوه