ليش القلوب البيض راحت كنها ريش الغراب ؟؟

السلام عليكم ورحمة الله وبركاته



قصيده للتواصل واتمنى تنال اعجابكم



صلوا على النبي ....







[poem=font="Simplified Arabic,4,white,bold,italic" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]
ذعذع نسيم الليل والمعنى على روس الهضاب = وطيور فكري فالصدر قامت تجر إلحونها
وانا ليا شفت السحاب اللي يعانق له سحاب = اقوم اركب كل جمره من على غليونها
شاعر ويغريني قلم جيبي وصفحات الكتاب = تقول كن القافيه ليلى وانا مجنونها
صحيح اغيب من الشعر لكن اجي عقب الغياب = اداحم الشعار واكسر روسها ومتونها
والمستشكه مالها ياكون صوط من العذاب = اما يدق ضلوعها والا يخز عيونها
بس المهم اسمع كلامي وافتهم واحسب حساب = للكلمه اللي ما جهل راعي العقل مضمونها
كلمة وفا من ثقلها تبرك لها عوج الرقاب = والرابح اللي لا مشى يمشي على قانونها
اقولها للعالم اللي بين ضرس وبين ناب = موج البحر قدامها وفج الخلا من دونها
اللي طلع يم السما والله مردّه للتراب = هذي حقيقه والحقيقه ماتغيّر لونها
ياربعنا مالي عليكم غير مشروه وعتاب = اسوقها سوق الرعاة اللي تسوق ضعونها
في خاطري سبع اسئله وارجوا التكرم بالجواب = على النقا ياربعنا هقواتها وظنونها
ليش القلوب البيض راحت كنها ريش الغراب ؟= وليش الجما يهل الجما قامت تطيح سنونها ؟
وليش الصقور الجارحه تخشى من إطيار الذباب ؟ = وليش البيوت العامره عاث الدبا بركونها؟
وليش الجهل ترثع ذلوله في صناديق اللباب ؟ = وليش الشجر ماتلتفت لـ اوراقها وغصونها؟
وليش الجفا والغطرسه والتفرقه بين الشباب ؟ = ذولا عيال ظهورها وذولا عيال بطونها
ماكننا نسل الرجال إمروية علط الحراب! = اهل السيوف اللي من إدمي العدا يروونها!
العزوه اللي فالمواقف ماتذل ولا تهاب = ستر البنات اللي من الغبنه تشق إردونها
وماكننا شوق العنود اللي زهت حلو الخضاب = وماكننا من سدت البيبان كبر صحونها
حنا لبسنا المدح يارجّال ملبوس الثياب = لكن بقعا ما يخلي حبها طاحونها
ماعاد باقي فالمزاهب لا طعام ولا شراب = ماعاد باقي غير خنجرها وحر طعونها
واقرب دليل اللي حصل عاما على خرج الزهاب = في ساعةٍ كل النفوس مكيمٍ طبلونها
احدٍ غواه ابليس من درب الهدايه والصواب = واحدٍ على توجيهته من وين ماتبغونها
يمشي كذا (من وين ماتبغونها) مشي الدواب = الله يصبر حرمته والله يكون بعونها
ياللاسف جينا على وقفه ولفه وانقلاب = إلين صرنا قصةٍ كل العرب يحكونها
كم مرةٍ حاولت اغطيها من الناس القراب = لاشك ثارت قنبلتها وانفجر مكنونها
لا يا قهر صدري ويا همي وياكبر المصاب = من دورة الدنيا وقلبتها وكثر غبونها
اللي بقوله فالنهايه يامواريث الذياب = تكفون ثم تكفون ثم تكفون لاتنسونها
تكفون يازبن الدخيل ويا عزيزين الجناب = نخلة مهنا لا تموت وينكسر عرجونها
الدين رحمه والوصل مامن وراه الا الثواب = والا القطاعه بنت لاش وماتكد قرونها[/poem]

صح لسانك يا بو بتال وبيض الله وجهك من اجمل القصائد حقيقه والجزل دايم علومه جزله

الله يخرجنا من الدنيا ويكفنا شرها وهذي هي الحقيقه اليوم



مشكوووووووووووور ولا تبخل علينا بالقصائد لان الكلام الزين زين

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

صح لسآنك
يعافيك ربي ع القصيده

__________________
عَبْدِالْلَّه بْن مُحَمَّد بْن فَلَاح بْن شَدَّاد

الله الله يابو بتال

صح الله لسانك ورحم الله شيبانك على هذا لابداع

قصيدة جزله ( معنى , تماسك , فكر , مفردات ) لا تعليق يا مشاري

تقبل مروري

نايف راكان



صح الله ابدنك مدد بلا عدد


لاهنت على مرورك


وابشر بالخير انشالله

صح ابدنك يالجنبي

شكرا لك

يامرحبا ياخالد الجروي



الله لا يهيينك يالسنافي


والله يصح ابدنك ولا خلا ولا عدم


شهادتك وسام على صدري


تقبل تحياتي

شاعرنا مشاري بيض الله وجهك على هذه القصيده الشامخه والهادفه والتي لايكتبها الا شاعر متمكن

اهنيك على تميزك في هذا النص الجميل واتمنى ان ارى نصوص اخرى لك

تقبل مروري

اررررررحب يابو معتز


مرووورك شرف لنا



والله يصح ابدنك ولاهنت يابو معتز على اطراءك الطيب


شكراً لك يالسنافي

صح الله لسانك مليون / ولا يكفون

ما ادري يابو بتال وش اقتبس وش اخلي مااقول الله لايضرك جزل جزل

وننتظر جديد مثايلك