بسم الله الرحمن الرحيم

السلام عليكم ورحمة الله وبركاته

مساكم الله بالخير

هذه مقتطفات شعرية للشاعر / علي بن سالم بن محمد بن شبله ال سلمان الحرقان
أتمنى من الله أن تنال إعجاب قارئها :



الفكر/

الفكر راق وجو الأشعــار ممتـــــاز ** في الخبت وكني ساكنن في عنيزه

عن مدة أهل البخل ماني بمعتــــــاز ** ونفسي مع الأيــــام دايم عزيزه

تــــرى التكبر شين كـــب التقــــزاز ** ما ينفع الرجـــــال كثرت قزيزه

ذمه هل الفتوى على رأس ابن باز ** غريزةٍ يـــا شينهــــا من غريزه

الشعر همز ولمز تفزيــز وألغــــاز ** ما هو بلا رخصة ولا قص فيزه




الوقت/


الوقت قــــاسي واليــــالي شحيحة **والموت عن بعض المواقيف راحة

والبعد سعد من النفــــوس القبيحة ** اللي صورهـــا تبث في كل ساحــة

ونفسي معروفة ما هي إمستريحة ** إلين هــــم القلب يعلـــن نزاحـــــة





يا مشغل الهاتف /


يا مشغل الهاتف علامك فديتـك ** إمقصر-ن- في الوصل وأبغى أتعذر

لولا الظروف الكايدة كان جيتك ** وصلت لك مني ســـــلامن معطـــــر

فيا صاحبي تعال وأنظر لبيتك ** في وســـــــط قلبي كيف بيتك تعمـــــر

بليت أنـــا بحبك وليتـــك وليتــــك ** تفهم كـــلامي ولا تحسبــه تكبــــر






يا صاحبي /

يــــا صاحبي وشفيك قمت إتغــتلا ** قلي كلام الصدق لا تكون زعــــلان

قـــال المثل رجــــلٍ تغـــلا يخــــلا ** وأنا على شوفة محيـــاك ولهــــان

إن كان هرجي يـا خـويي يمـــــلا ** ورسايلي مــــا تنقبل عند سلطـــان

فعطني الجواب بين إينعم أو يكلا ** وريح على نفسي خساره وخسران






أنا لا ذكرت /

أنــــا لا ذكرت القبر ولا ذكــرت المــوت ** بكيت وعسى ربــي يجـــازيني بعفـــوه

فيا غــافل ارجع قبل مـــا يفــوت الفــوت ** تمسك بحبل الدين وخلك من الصفوه

ترى أيامنا القشرا تشوت الخلايق شوت ** فيا غافي إصحى والله ما تنفع الغفوه

ألا يالله إني طــالبك يــا سميع الصـــوت ** أسألك تغفر الذنب وتدمح لي الهفـــوه






ليته سكت عني /


هو يحسب إني بأرتجي منه مـــده ** لا فالله يكسر عظم ساقي بكسرين

ليته سكــت عني ولا بـــاح ســـده ** ورحل وقفــــــا مثل نـــاسٍ مقفين

لكن كذا الدنيــــا كفــــاح ومكـــده ** وتبين الرجـــال في العسر واللين

وترى الصبي ينبان في كل شــده ** وأهل الجمــــــايل فعلهم دايم يبين

ومن لا نفعني والله إني ما أعده ** ولا يلومني يا ناس لا أحتاج بعدين

يصبـــر على فعله وفعله نـــرده ** إليا حــــــداه الوقت والفقر والدين



.............وسلامتكم............................. ...........وسلامتكم........................

صح لسانك يا إبن شبله وبيض الله وجهك لاعدمناك.....

__________________

علي بن شبله صح للسسسسانك مليون وبيض الله وجهك عز الله قصيد على طول حفظ عندي في المفضله لاهنت يالغالي

أنا لا ذكرت /

أنــــا لا ذكرت القبر ولا ذكــرت المــوت ** بكيت وعسى ربــي يجـــازيني بعفـــوه

فيا غــافل ارجع قبل مـــا يفــوت الفــوت ** تمسك بحبل الدين وخلك من الصفوه

ترى أيامنا القشرا تشوت الخلايق شوت ** فيا غافي إصحى والله ما تنفع الغفوه

ألا يالله إني طــالبك يــا سميع الصـــوت ** أسألك تغفر الذنب وتدمح لي الهفـــوه

لاهنت وبيض الله جهك نوعت وماقصرت يا شاعرنا , تحياتي لك

صح بدنك ولاهنت على المرور يالغالي

ناااااااااااصر صـــــح بدنك ولاهنت على المرور فديتك

أرحب يابو معتز وقايل ما يهون ومشكور على المرور يالغالي

ارررحب يابو سالم دائما متميز صح الله السانك يا الذيب مدد بلا عدد ..

سجل متااااااااااااابع يا القرم ..

__________________

البقاء يا بن راكان وصح بدنك ومشكور على المرور يالغالي

اررررررحب يبو سالم صح السانك

على هذه الدرر المختاره المميزه

بصراحة التعبير وقوة المعنى وجزالة اللفظ

تقبل مروووووري

__________________