للتواصل بعد هذا الإنقطاع عن القسم المحبب الى قلبي ..

اقدم لكم هذه المتواضعه راجيا القبول منكم ..



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
انا وش اللي بغيبتك مستفيده ؟ = صدري وصل م.. الهم حد الشباعه
الصبح يضحك لي بضحكه جديده = وانا الى هالحين مانمت ساعه
اسهر واسامر كل نجمه فريده = وان نمت ؟ قالت ليه هذي القطاعه
ياغايبه والليل لا قويت ايده ؟ = يدي ضعيفه ماتقاوي صراعه
الحب دمٍ والمواصل وريده = والقلب هو اللي يزيد اندفاعه
غبتي وسميتك : قريبه بعيده = والعين تحسد خافقي عالقناعه
جاعت عيوني شوفتك ياعنيده = ماترحمين اللي بلته المجاعه ؟
بيني واحزاني علاقه وطيده = مثل العلاقه بين عقرب وساعه
فراقك الله يمحقه لا يعيده = لازاد زاد الجرح معه اتساعه
نسياني اكذب من كلام الجريده = وكتماني اعتم من عتام الإشاعه
وأشواقي اصدق من فعايل رفـيده =وأبلغ من طعون اليدين الشجاعه
شوقٍ هبا في القلب وسم الحديده = والقلب لولا الصدر ؟ تم انتزاعه
ولاجداي الا حروف القصيده = عسى تزودني شوية مناعه
لك الله اصبر عالرياح الشديده = يالمركب اللي ضاع منه شراعه
عسى الفرج يقبل ويهناك عيده = وتبات عين اللي شقا البُعد لاعه
وأقول للنجمات فرصه سعيده = والمعذره دامي نويت القطاعه
ياغايبه والنخل يبّس جريده = ولا يغرك راسها وارتفاعه
به في غيابك فايده بس وحيده = يمكن إنها هي العزا والشفاعه
تدرين وش في غيبتك مستفيده ؟ = اني اصلي الفجر ويا الجماعه[/poem]

__________________

لسماع قصائد الشاعر : سعيد بن مانع
اضغط هنا

الشاعر سعيد بن مانع الرفيدي

صح السانك وبيض الله وجهك على هذه الرائعه

تقبل مروري واعجابي يالذيب

أرحب يا بو عبدالله ..

وصح الله لسانك ..

جزل في قصيدك كما عهدناك يا ذيبان ..

لاهنت يا الغالي ..

لاهنت وصح لسانك قصيدة طيبة وعلومك كلها طيبة والى الامام يالغالى

ارررررررحب يا سمي

وصح الله السانك واعتلاء شانك وعلى الاخرى عانك


سبك وحبك وجزاله ,, كما عهدناك يا ابن مانع

الله يبيض وجهك

ولا تحرمنا سمانك لا عدمناكـ

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

أخي العزيز والغالي / سعيد بن مانع

صح والله لسانك

دايم الدوم مبدع ومميز ومتواضع وشاعر لك مكانتك المرموقه في المجتمع
يحبك الجميع من حسن خلقك ومن تواضعك ومن رجولتك ومن جمايلك وفعايلك الطيبه
لن أقول لك هذا الكلام مجامله لا والله لا والله الا محبه فيك في الله

لك من محبك أبو صقر أجمل تحيه والى الامام ياابو مانع

__________________

وأشواقي اصدق من فعايل رفيـده
.................وأبلغ من طعون اليدين الشجاعـه


والنعم مليون يا تاج راسي

صح لسانك و جمل الله حالك

ابن مانع

اررررررررررحب ملايين والله اني مشتاق لك ولما تكتب

من درر فريده وانا اشهد الله على حبك في الله

وتقبل مروري اخي الكريم ..

__________________

ارحب يابو عبدالله ملاييييييييييين

قصيدة جزلة من شاعر جزل

__________________
[


صفحتي على تويتر

haian_ali@

الايميل الجديد
ali_haian@hotmail.com

اسعد بتواجدكم

لاهنت

يعطيك العافيه


تحياتي

__________________