[poem=font="Simplified Arabic,5,sienna,bold,normal" bkcolor="transparent" bkimage="backgrounds/1.gif" border="double,medium,purple" type=2 line=1 align=center use=ex num="0,black"]
ياراعي الجمس لاتشره على عيني = لدت غلط والعتب والله على النظره
وألا اعتبرني من اعداد المجانيني = واحسن تجاهل وخذ من موقفي عبره
لاني بغاوي ولا في خاطري شيني = جنبك جلس من نعوذ الله من شره
ولو هي تطالع علي ماهيب تبغيني = لكن إعيوناً رمت بسهوم منثره
ركبت معك من كساها الله من الزيني = جفنن تظلل رموش وسودها خدره
اللون تركي يخلطه بحر قزويني = من وسع عينه إتقول العين منطره
جلست اتمتم واحسب إنها تلبيني = وسواقها الاقشر الملعون قد زره
واثر الخوي شاف مافيني يهديني = عادي معه بس انا تاكلني الحره
وجهاً ينور ظلام الليل ويبيني = ينشاف نوره من العارض ليا الحره
والبرقع اللي مغطي ثلج لاتيني = ومن دونه الفم خاتم كنه الدره
رزة فرس بس ماطبت مياديني = بس الحلا يتبع خطاها على الجره
غصناً لياناً يسقي بالبساتيني = ومن حسنها اليوسفي فتنه ومغتره
لوشافها اللي دخل عمره ثمانيني = بيقول ياطر جيبي طر ثم طره
ولوشافها اللي يسولف بالملاييني = قدم مهرها ملايينه ولاظره
ولو شافها اللي تقدم بالمصليني = طلب من الله تطالع به ولو مره
ولويكتب الشعر فيها بالدواويني = وتوصف من اسفل الهامه إليا الغره
أنا اعتبر ماكتب غير العناويني = وعجز ولا جاب من وصفه ولو ذره


منقوله واتمنى ان تنال أعجاب الجميع

للشاعر / محمد عبدالله بشير المسردي [/poem]

تسلم يا صبي مسرد


ولاهنت

وتستاهل سمعة على اهتمامك بالمشاركات الطيبه

لاهنت اخوي صبي مسرد على النقل وصح لسانك ولسان الشاعر محمد المسردي
اعجبني

جلست اتمتم واحسـب إنهـا تلبينـي
وسواقها الاقشـر الملعـون قـد زره
واثر الخوي شـاف مافينـي يهدينـي
عادي معه بـس انـا تاكلنـي الحـره

لاهنت وابيض وجه
وصح لسان الشاعر

يعطيك العافية يا وجه الوهابه

تراك مبطي عنا واجد

فلا تحرمنا من وجودك الضافي

__________________