صلوا على النبي



[poem=font="Simplified Arabic,6,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
البارحه يوم صار القلب ميدان=واظلوعي ألواح وعروقي طباشير
كتبت لك يالشعر كله على شان=أرضي غرورك وترضيني الجماهير
يامعشر الجن وينه سيد الجان=اللي يقود السرايا والطوابير
قولوا له أن الوعد في راس عزان=في نايف تنقطع عنه النواظير
في قصر جده دغيم بن شعيفان=بوابته فض وأسواره دنانير
والقصر كله ذهب خالص ومرجان=وأنواره انجوم ليل في قوارير
على يمنيه لراعي القصر ديوان=في أزرق العود ودلال مباهير
قلطت وسطه وأنا خايف وحيران=لولا التراحيب خانتني التعابير
خذيت مركاي قالوا ياكحيلان=حيت بك الجن واستانس بك الطير
في مجلس ماقلط به غيرك أنسان=من قبل ميتين عام ولك تباشير
بشر بك أفلان قبل أفلان وأفلان=وفي يوم مولدك دقينا المزامير
والحين يامرحبا ياطير حوران=حنا لعيناك مانذخر مذاخير
أبشر بشعر يرجح كل ميزان=يثبت أسمك مثل مايثبت النير
حنّا علينا نغذي الطرس قيفان=نسوقها لك مثل سوق المغاتير
وعليك تفتح لها صفحه وعنوان=ودقق البيت بين أملاء وتعبير
كنه كرة وأنت زين الدين زيدان=يحتاج له حرفنت فكره وتمرير
وأبداع بيكاسيوا في دمج الألوان=وترابط الحرف برواية شكسبير
شكرتهم شكر متواصل بعرفان=لو أن لي مع فحول الشعر تقدير
ودعتهم قبل يطلع صوت الأذّان=ومن قبل لا تغادر العش العصافير
سلام مالااح برق وهل هتان=وأسقى ثرى نجد من نوّ مزابير
سبعين ليله وهوا يرهي بالأمزان=وتفتقت الارض لعيون النواوير
على حزام الظفر صبيان قحطان=ربعي هل المدح موفين البواتير
أهل المحازم ليا منه بدا الشان=وأهل الفعايل مفرقة الطوابير
وأهل التراحيب وأهل دلال رسلان=ما ضمروها صباح وظهر وعصير
تقلط على النار كنها روس غربان=ماأمست وهي في رجاء ست الغنادير
أعيال عود لهم علم وبرهان=كسابة المدح وقت الشر والخير
أهل العزاوي لامنه صاح شيطان=تارد على الموت كنها تارد البير
مافيه علم يجي من غير برهان=ولا فيه مدح يجي من غير تبرير
تمت وصلوا عدد ماهل ودان=واعداد من كبروا لــ لله تكبير
على رسول البشر من نسل عدنان=اللي منور طريق الحق تنوير[/poem]شعر/علي البورعي

صلى الله عليه وسلم

ونعم الشاعر والشعر

علي البورعي

صح لسانك مليون ولا تكفي

شاعر كبير وجزل وغني عن الشهاده

ودائماً تتألق وتبدع وينتج عن ذلك ظهور قصيدتك بمظهر لايليق إلا بشاعر كفو شرواك

وتاريخك الشعري اثبت ذلك للجميع

بيض الله وجهك ولا عدمناك

لاهنت لاهنت ،،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

ارررررررررررررررحب يابو فيصل تراااااااااحيب الحيا



الله يحييك ويصح لسااااااانك


مبدع ولا تجيب الا الفرااااايد الجزله نفدا خشمك




سعدت بسماعها وها أنا أقرأها



تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح لسانك جزل ولا تجيب الا السمين بيض الله وجهك

لله درك من شاعر مبدع .... حبك وسبك .... وترابط مفردات ......... ومعاني رائعات

فصح الله لسانك وبيض الله وجهك ....... جميله ورائعه من روائعك فشكرا لك

الاخ الغالي ابن العم :

علي البورعي :
بيض الله وجهك وانا اخوك وصح الله السانك

شاعر مبدع اينما تكون ..

لك مني المحبه والغلا ..

__________________

صح لسانك


ولا عدمناك

وتقبل تحياتي

السلام عليكم ورحمة الله وبركاته



صح الله لسانك يابوفيصل



قصيدة قمه وشموخ


حبك وسبك


.

__________________

صح الله لسانك والله القصيد الطيب اللي مايمل الواحد وهو يقراه

على قولة فارس قحطان

حبك وسبك

أنا أشهد

تحياتي العطرة ،،،

__________________

أشكر الزميل SAAD على التوقيــع

مجرد مرور يابوفيصل

وتجديد لإعجابي بك وبشاعريتك ..


صح لسانك

__________________

لسماع قصائد الشاعر : سعيد بن مانع
اضغط هنا