السلام عليكم ورحمة الله وبركاته

اليوم جايب لكم محاوره . فيها من الفتل والنقض الشى الكثير دارت رحاها بين عملاقين من عمالقة الشعر


بخيت السناني الجهني & زيد العضيله المطيري


_______



بخيت السناني

حصلت صورت زيد بن سلمي على مدخل عفيف

أمعلقه في الوحه الي ما يظلل ظلها


الصوره أخر عهد والوحه على عهد الشريف

فيها علامه فارقه ما كل أحد يفطنلها



زيد العضيله


أحذر تعدى أيات لوحه علقت فوق الرصيف

الي تنومس هاتها والي تزعل خلها


الوقت الاول راح وأنت شاعر دمك خفيف

والناس ماحد يشتقي فيها لولا دلها




بخيت السناني


مالي مصالح بالصور مادمت أنا طرقي وضيف

أفزع عليها لا يجي وأحد يحتلها


لاتفتقد شعبيتك يازيد عند أهل المصيف

أمورهم تكفيك عن كثر الامور وقلها



زيد العضيله


أجل ليا مريتها غمض وصير أعمى كفيف

وأحسب حساب الثانيه والاستخاره صلها


الليله أبخيت السناني ويش عنده يالطيف

يعقد أحبال المراجل مايعرف يحلها




بخيت السناني


ماني مغمض ياولد سلمي وأنا ماني ضعيف

الحاجه الي ما تعز الرأس ماننزلها


أنت ثمان أسنين متعامل مع شيوخ القطيف

واليوم بانت عازت الاصحاب وش تعملها



زيد العضيله


الي منول في شروره حولوها في طريف

الله أكبر ياوجيه الخير وش حاصلها


يا راعي المشعاب قوم وجرد السيف الرهيف

وكل الجمايل في التراب أحفرلها ودفنلها



بخيت السناني


شفناك تمسح شارب الكبتن ً على شان المضيف

من طيب قلبك ما بقت غير الدموع تهلها


أليا دفنت الطيب ما تلقى شفيع ولا حليف

أضن ماتلقى ولا شجره تنام بظلها



زيد العضيله


أبا أتوسط عندهم وأجيبلك رتبت عريف

والي معه طبله يجر الصوت ويطبلها


السرج في ظهر الفرس والحبل في رقبت العسيف

وأنت تنزلها في محل الخوف غير محلها



أخوكم . ذيب الجهني


________________________
______________________
___________________
______________
_________
_____

لاهنت ياذيب


مجهود طيب


وارجو مراجعة بعض الشطور


ونقلها كما تسمعها بالظبط


يبدو ان فيها اخطاء املا ئيه تسببت في كسر بعض الابيات


ودمت بخير

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

مشكور على المرور الكريم

وأرجو منك تحديد الابيات المكسوره ليتم مراجعتها من المصدر


ودمت ....

ياسلالالالام محاوره رائعه جدا بين شاعريين مميزين زيد العضيله شاعر كبير ومعروف

وبخيت السناني شاعر شاب ونجم اختصر المسافات للصعود القمه

بيض الله وجهك ياذيب علي نقل مثل هذه المحاورات المميزه

__________________

لاهنت ياذيب الجهني


محاورة رائعه وإختيار جزل



بيض الله وجهك يالوافي



أخوووووووك

سعدت بمروركم العطر ياالحبابي و عبدالله



ودمت في حفظ الله ..

ياسلالالالام عليك

بيض الله وجهك ياذيب علي نقل مثل هذه المحاورات المميزه

__________________

هلاهلا يالحبابي سعد


والمميز مرورك الكريم ...


ودمت