السلام عليكم ورحمة الله وبركاتة ,,


القصة يا الربع تحكي لكم الحب الخفي العفيف اللي دار بيني و بين حبيبتي اللي ما بعد شفتها








رحت لمحل بيع الكتب المستعملة , المكاتب اللي تبيع الكتب الرخيصة ؟ رحت لها وشريت لي كتاب وكان عندي اختبار يخص الكتاب اللي شريت , ( هذي طريقتي في الاختبارات ) المهم فتحت الكتاب , فتحت الصفحة البيضاء اللي بعد الغلاف لقيتها مكتوبة بقلم حبر ناشف ؟ واضح إنه مكروف لين قال آمين , المهم ,, الكتاب طلع لبنت قبل ماتبيعه ( ياعمري توها زانت المذاكرة ) والغريب إنها كاتبة الكلام هذا :

( أنا أدري إنك أول ما تقرأ الورقة ذي بتنهبل , بس خلني أقول لك شي .. أنا صراحة مثلك في الكلية ومقهورة ..ماكتبت هالكلام إلا من القهر .. وعندي إحساس إنك بتقدر ظروفي كونك مثلي عايش نفس الأجواء الحين ) !!

وقامت تسب في دكتورة اسمها .... !! وبعد ما شبعت من سبها .. قالت عموماً فرصة سعيدة جداً إني تعرفت عليك ,وأشكرك على قراءة كلماتي بس والله ما كتبت إلا من الطفش _ عموماً _ أنا فضولية شوي ,, ممكن بعد ما تخلص من الكتاب ’’ تكتب لي على الوجه الثاني ردك لي ,, ورجعه وأنا بقرأ ردك ,, وإن شاء الله إني أبي أجي أشتريه في تاريخ كذا كذا ) ..

ناظرت في التاريخ لقيته بكره !!!
ياساتر وش أسوي ؟ طيب أنا ما ذاكرت ,, وش ذا الحظ ؟ المهم قررت إني أكتب لها الرد وبرجعه ,, بس قبل كل هذا رحت وصورت الفصول اللي بداخل الكتاب على شان اذاكر وضبطت لها رد محترم وقلت لها : ترى أبي أشتريه عقب أسبووع ,, ورحت أرجعه .. وفعلاً رجعته وشراه الزوووووول مني بنص السعر ,,,

اليوم الثاني بالليل رحت للمحل لقيت الكتاب مباع سألت الزوووول : الكتاب اللي شريته مني أمس وينه ؟ قال : امبارح جت بنت وشالته !!

وانا اللي تنفتح كشرتي لين وصلت اذاني , المهم أخذت أنا وياها الله لا يقردنا ثلاثة أشهر وحنا شارين الكتاب بايعين شارين بايعين الكتاب ,,
والمستفيد المحل حق الكتاب المستعمل ,,

ولا بعد صار ما يحطه في الدرج ,, خلاص فهم علينا وصار يخليه عنده على الطاولة ويسلمه لي أو لها أول ما نجي ,,

مرررررررررررت الأيام وجيت مرة قلت للزووول وين الكتاب ؟ قال : ما أدري,, امبارح جاء راجل أخذ الكتاب ,, قلت : يابن الحلال قل غير هالكلام الكتاب قديم ومعفن وأوراقه نصها كتابات,, قال : آآآآآآآي عليك الله أخذوه الزول الكتاب الأصفر ,,

المهم طلعت وركبت السيارة ,, ويوم وصلت الإشارة قلت : لحظة يا رجال ! الحين يقول الكتاب الأصفر ,, ياخي هو أحمر أصلاً مهوب أصفر ,,

المهم ديورت بسرعة ودخلت المحل بسرررررررعة ,, تتوقعون وش شفت ؟!!!
لقيت الاخ ابن الذين ماسك كتابي الأحمر وقاعد يكتب الرسالة اللي أنتظرها في صفحة من الصفحاااات طلع اللئيم هو اللي انا أتراسل معه من مدة .


اخيراً ترى الموضوع منقول لأنه اعجبني

للجميع تحياتي

__________________

ههههههههههههههههههههههه

أرحب يا هادي تراحيب الحياء

موضوع جداً روعه وانا اقول ليش الشباب طايحين على محلات الكتاب المستعمل

أثاري السالفه كذا ههههههههههههههههههه عموماً بيض الله وجهك يالذيب ولو تنقل الموضوع

في مجلس استراحة المجلس يكون أفضل وبارك الله فيك

ابن دغيُم الجحلي

__________________

هههههههههههههههههههههههههههههههههههههههههههههههههه هه


بيض الله وجهك

__________________
ابو نواف ابن جريب

ههههههههههههههههههه

وانا اندمجت حسبت جد

مــرحــــب يــبــــقــــى

حياك الله يا ابن دغيم

و أياني و اياك اشوفك في محل الكتب المستعملة انحش يا ووووووووووووولد

لا يجيك ما جاني
يا مرحبا يا ابو نواف ،،،، ووجهك ابيض يا بعد حيي


هلا و الله يا لعايذي

شرفت الموضوع بـــطــــلــــتـــــك الحـــــــــــلــــــــــــوة

__________________