[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
راكب اللـــي سمته وراعيــــه عيّـــا مايبيــع = المواتـــــر عفتـــــها عقبـه ما عـــاد أسومـهـا
قمّــة الإبــداع في التصميم والذوق الرفيـــع = جيــب لكـــزس يشرح النفس ويزيل همومــها
خارجه وجــهٍ طليـــق وداخله صدرٍ وسيـــع = سايــقه يطلب مـن اللّــــــــه عـــافيته يدومـها
أبيضٍ في صبـــح والا في مســـا يلمع لميـع = ينقص إمـن الطايــــــرة جنحانهـا وإطقومــها
لامشى من عزمـه ومن قوتـه ينزع نزيـــــع = وإن وقف تكبـر مطاميــــع العـرب وإعزومها
كن الأرض تقول له لا حّرك اغصبني واطيع = والسمـــــا كنـــها تقـّّلـد صورتـــــه بغيومهــا
في المدينــة يلفت الأنـظــار وملّكع لكيـــــــع = لــوحتــــــه كـــلٍ يحفظ إحروفهــا وإرقومهــا
وإن بغيته في جبـل والا على الخط السريــع = لا سرى فـي ليلـــــــــةٍ تسهر عليـه إنجومهــا
وإن قطع به سايقه وادي ماتسمع له قريـــع = مــــــا يصّحي صوتـــه عيـونٍ تغـازل نومهــا
عارةٍ راعيــه في وجهي جميــله ما يضيـــع = لـــوبكــت عيــــنه علـى سيارتــــه مـــالومهــا
قاصــدٍ به ديـــرة رجـــالٍ مراجلهم تشيـــــع = لابـــــــةٍ بالعــــز والطالــــة تشيـــع إعلومهـا
ربعي عيــال إقحطـــان بكل شعب وكل ريــع = عزوةٍ بالحرب تضرب بالسيــــوف إخصومهـا
الحمّية فيهم من العــــــود للطفل الوديـــــــع = والقبايــــــــل مـا نعذرب فعلهــــا وإسلومهـــا
قاصــــــدٍ ربعي بعلمٍ داخلي يصقع صقيـــــع = والرسايــــــل فـي الظروف مختمّه بختومهــا
زبـــــدة الموضوع كـــلٍ يحتمل ما يستطيــع = شـــــاعرٍ من فضل ربــي والبــحور أعومهــا
لكــــن الشــاعر بليــــّا ربع صيـته ما يذيـــع = والرسالـــــــة واضحــة واللــي يبي مفهومها
شجعوني يا بني عمي وأنـــــا راسي شجيـع = لاأرسلت ســود المنايــا ياإقحطـــان إسهومها
شــــــاعرٍ منكم وفيكم وأعتزي فيـكم جميــع = محزمي فـي ساعــــةٍ يفرض علــي إقدومــها
دونكم بالشعر وانتوا لي كما الحصن المنيـع = وما نحسب حساب لدفـــاع العـــدا وإهجومها
والزمن مهما قسـا ما يحني الراس الصديع = والسنيــــن القاسيـة بالصبـر أدّق إخشومــها
والهنوف اللـي خذت قلبي وهـو طفلٍ رضيع = أحســده وأحســد مرايتــها وأحســد إهدومها
ماخـذه كــل الدلــع والغنـج والحسن البديــع = مــــا قدرت أشبع بـها بالحـب قبـــل أصومها
من بعدهـا مستوي في نظرتي صيف وربيـع = وادعتـني والظروف إتحــوفني مـن يـومهــا
إن ذكرت إظروفها مالومها وأجزع جزيــــع = وإن ذكرت إسمي وفعلي وإسم أبوي ألومها[/poem]

الله اكبررررررررررررررررررررررررررررررررررررررررررررررر رررررررر




كم انتظرتها ذا القصيده ياماجد



لي عوده تليق يالأمير

__________________

لسماع قصائد الشاعر : سعيد بن مانع
اضغط هنا

لله يعطيك خيره ويكفيك شره

اررررررررررررررررحب ياماجد


وصح الله لسانك

سبق ان سمعت هذهخ القصيده منك شخصيا

بيض الله وجهك وعزالله انك نجم وتستحق التشجيع


وانت تجمل من انت منه

__________________

الله الله

بيض الله وجهك

وصح الله لسانك

ويبشر والله بالتشجيع من ذا قصيدة ..

مبدع ..

__________________


http://www.qahtaan.com/works/up/get....fmnp1261962149

يا رجاتل لا تشاور اشتر ابك ذا لكزس من االلي بيعيفه

صح لسانك يابن عمي وبيض الله وجهك

وإن بغيته في جبل والا على الخط السريـع
لا سرى في ليلةٍ تسهـر عليـه إنجومهـا





الله عليك ياماجد مشاء الله

صح السانك ماقصرت بيض الله وجهك عسى راعي اسومه يبيعك بعد مايسمعها

مرحبا يابو مانع عز الله إنك ماقصرت بأول وتالي دائماً متواصل معي
والشكر موصول لك يالغالي ..... تقبل تحياتي

قصيدة ممتازه ورائعه والله يوفقك ياماجد وابشر بالمساعده من بني عمك وإلى الامام