شعراء قحطان المتوفين ( رحمهم الله )

بسم الله الرحمن الرحيم



هناك العديد من شعراء قحطان وانا اخترت لكل شاعر قصيده

مع العلم انهم مشهورين و قصايدهم محفوضه و مكره في عده منتديات

ولكن من باب التذكار و الوفاء لهم



نبدا مع شاعر قطر و شاعر بني هاجر

** عمير بن راشد ال عفيشه الشهواني الهاجري **

الا يا النشاما ودي أقضي أغراضي -- على موتر في طاعة اللي يسانع به
مسيره على القانون ماسارفي الفاضي-- ثمان الدقايق له تودي وترجع به
من احسانكم حثوا مسيره على حاضي-- له السيد معتدل وخلوه يجزع به
نزوز الذي زادت من اسبابه امراضي -- صديق ولاوافقني الحظ يحمع به
صبرت الشتا عنه وذا وقت مقياضي-- وانا عبرتي في الصدرتنحي وتطلع به
ولاشوف شايل حمل للعلم نقاضي -- يقولون هذا به لياقه ونطمع به
والاسرار ماتبدى على كل فضفاضي -- هبيل يبذر بالخبر حين يسمع به
لها واحد مثلي وشروايحفاظي -- عنا البيض قد شيب براسه ولقع به
كما وجد راعي بكرة له تقباضي -- قبض في الشداد وهي على صوب تربع به
على بوجديل صاغ تجديله العاضي -- وله مفرع يدهش الى منه فرع به
مدامع وخشم وخد كالبرق لا ناضي -- وبيض الثنايا كنها الحص تلمع به
وعنق دقيق ولبة لونهاياضي-- والانهاد بيض اللي لها الفن تسجع به
مزوح ذبوح بالخطا له تعراضي -- رما بالسبب لي لين قلبي تولع به
وجعلني بحبسه مثل محبوس الارفاضي-- وخلى لي الحزن الشديد اتجرع به
يعيل ويميل ويخلف الغيظ بغياظي-- على مايريد يحيسني لاعب لع به
ولاشوف لي حيله يكون التوعاظي -- اربه الى سمع التوعاظ يخشع به
ابي مطلب منه بلا ايا تعكاظي-- يجي بالتراضي مايحكم المطوع به
الى عودت بالحق باروح مغتاظي -- اعرف أن قوانينه بتاتي علي صعبه
هو المدعي والمنكر الشاهد القاضي-- واخير اني اخذ ماحصل منه واقنع به
وابي منه بالمعروف ماودي اقاضي -- وهو ميسر والوصل ماهوب يقطع به
وانا مثل عطشان قطع قلبه اللاظي-- وعذب السجايا مورده مايشرع به
( ولوكان حيضان اريش العين فياضي -- شراب بلا مسفوط ماودي ادنع به )
شفوق على وصل الحبيب وهو راضي-- كما يشفق المحرم على حبة الكعبه
لاجل الوداد قاطع عرق لظاظي-- وصوابه بقلبي ماادري ويش باصنع به
وهو دختري كانه على الخل غضاضي-- عسى منه ياتي طب للسو ندفع به
والاسباب يومه ذكّر الدارس الماضي -- وخلى العيون تفيّض الما وتدفع به
عسى جلسة عنده بها حلو الالفاظي-- بعد موقف الفرقا ويوم الموادع به
وانا باتصبر منه لو كان ما اعتاظي -- ولو كان غيره بيحصل ماتمتع به



*** حمد هادي المسردي ***

يالله ياللي بيدك العز والجاه *** ياللي لخلات المخاليق رافي
يامن خلل عبدك ليا بان ترفاه *** ياعالم غاية خفا كل خافي
الطف بحال اللي تبهذل بدنياه *** وداج بجميع انحا النحايا وطافي
يطرد ورا حظ عليك انت مشهاه *** لاشك شاف من الزمان اختلافي
من كثر ماله ساروا الناس برضاه *** ولو كان ناقص قالوا الناس وافي
ومن قل مابيده ترا الناس تشناه*** لو كان يسقيهم عسل قنط صافي
فالمال كم ساس طمان وعلاه *** والفقر كم حطم روابع سنافي
لاشك ماللعبد عن حكم مولاه *** من خير والا شر والرب كافي
ما كتب للمخلوق لابد يلقاه *** اما عزايم شر والا عوافي


*** هادي بن القعيمه العاصمي ***

بدينا بذكر اللي خلق كل زوجيني = ونجا سفينة نوح و أزواجها فيها
ألة على ما أقصد بفضلة يقديني = وسبحانة ألهن خلقها و مفنيها
و أنا خضت في الدنيا ليا بحر تسعيني = و اخذت التجارب من تخاليط اهاليها
تجاريب و أقدم لي عليها براهيني =تناولتها من ساير الناس و اعطيها
عسى اللي خذيت من التجارب يكفيني = و نفسي عسى كثر التجارب يقديها
و انا بنصح اللي للنصايح موديني = على الراغبين بغير الأقيام نهديها
نصيحة مجرب جرب الزين و الشيني = و دنياة جرب مرها هو وحاليها
ترى رفقتن ماهيب رفقة شريفيني = ولو طالت السيرة يبين الخلل فيها
و انا أدخل على الله من مماشى الردييني =و من عاشر الرديان يمشي مماشيها
يجيك الردي متولم لك بوجيهيني =يبي منك يبعد ذي و هاذيك يدينها
فلا منة أخطا حاول انة يخطيني = يبي غلطتة كودة يجي ما يغطيها
يروح البنا ملحن و صبخن على طيني =سدا في ندا متخالطاتن بلاويها
ولا شك وين القى رفقين يصافيني = رفقين على صعب المواقف و قاسيها
رفيقن ليا منة بدا الند يشفيني = ولا منة بدا لي حاجتن يشتقي فيها
و أنا أعطية ما يطلب وما قلت يعطيني =و علي غالي الحاجات ماهوب بيغليها
لامنة بدا لة حاجتن قلت من عيني = و أنا لا بدا لي حاجتن قال هاكيها
رفيقن على الدنيا مودن مماشيني =رفيقن على كدر المشارب وصافيها
أنا أشكي على نفسي و شكواي تشكيني =ولا تنتصف نفسن نصفها شكاويها
الا با اللحى من بعض الأشخاص تشكيني = أخلية يذلف و أتسع في محانيها
مناحي كنوف الأرض دونة تسليني = على قربة أفضل سعة الأرض وأغليها
أنا أرغب على قربة و أفضل حدا أمريني= سعة الأرض ولا الناس ما أفهم لغاويها
الا صار ما يفرح لعزي و يغليني = ببيع أختلاط بة و فرقاة بشريها
ببيعة و أبيع القرب منة بقرشيني =علشان تبرى النفس مما وزا فيها
الا صار في الدنيا رفيقن يخليني= باخلية في دنياة ما كنة بفيها
باخلي على قول المثل فية يكفيني= يقول المثل يبغى دواها و يعميها
باخلى عماه دواة ما أبية يعميني = و بترك عما عينه يجي من مداويها
الا صار غاوي عاش بأفكار غاويني= فحياتة شماتة و الفضايح بتاليها
مسيكين يا غادي على طرق غاديني= على أسبال ناسن للتاهلك توديها
مسيكين يا مسكين مسكين مسكيني= تصلي النفايل و الفرايض تخليها
لايا صار ضيعت الفرايض مع الديني = فنفيلتك ما تنفعك مهما تصليها
مشاك تركك واجب المستحقيني= و حاجات غير المستحقين تقضيها
ولا صار ما يدهل محلك بزييني= تقل ما تقل أو ما تقل أو تقل فيها
فالزم ما على البعد من كل الأثنيني= يهدم المعزة يحسب أنة بيبنيها
سلوم العرب ماهي سوالف مسليني = سلوم القبايل حنا أهلها ونبغيها
ومن صار مستغتي فمنة غنيييني =عزيزين و أنفسنا على العز نغنييها
أنا أفضل أكل من جرايد ذراعيني= ولا أصل لئيمن لحاجتن أقصدة فيها
لأن اللئيم بقول الأمم القديميني= يقولون لا أكرمتة يمرر حلاويها
فبعد لة استبعاد بعدن و بعيديني = و بعدت مع إ ستبعاد بعدن يواليها
و من عادتي ما أشبح خلاف المصدييني = و عينن تخالف نظرتي لية اراعيها
و حنا الا متنا بنلقى معزيييني = بنلقى و جثمانة لها من يعزيييها
و من صالحي لامات ما تفقدة عيني =حياتة و موتة لا توفي يساويها
فحل من أفحول الكاينات المساكيني = قلال الشبور اللي اقصارن حواميها
يعرض على الممسين و يقول ساريني =من النقص كن باقي ليالية ساريها
ما يفهم نهار السبت من يوم الأثنيني =و أنا أفضل الجمعة على اللي يواليها
هذا شرح منهو جرب الزين و الشيني = دنياة جرب مرها هو و حاليها
ترا رفقتن ما هيب رفقة شريفيني =ولو طالت السيرة يبين الخلل فيها
و صلوا على سيد البشر يا المصليني = عددما مشت الأنواق و أذرت مذاريها


*** محمد بن جروان ال عليان الجحادر ***



يا راكب ألي يرهج الجو حسها = ويهز سطح الارض قو اشتغالها
اسبق من البارود زوعه وفره = ومثل السهم لامر سرعة خيالها
طيارة من صنع جرمن وردت= تشدي نزيز ارعود مزن اخيالها
تمشي وتلفي لي مقادم قبايلي= وخص اقحطان باسمهم لاسوالها
يلزمك من بين الحصاتين تنزل= جنوبي الدنيا والاخرى شمالها
ارفع بصوتك وانخ فيه القبايل= تاتيك قوم تخلفك باجتهالها
لامن لفوا من كل فيّ وجانب=مثل الاسود الزايره باحتمالها
نب العيال الطيبين بذكرهم=خص الشيوخ وعم باقي رجالها
انخ الجحادر واثنهم بالنخوه=ازهم قبايلنا وصح في جالها
تاتيك جبعان المحازم كنهم=سيل تحدر من فروع جبالها
تشبع بوردتهم سباع جايعه=تشبع وترجع بالعشا لعيالها
وانخ الحباب حزامنا لاثارت العدا=ربع نهار الضيق تشاف افعالها
ان جا لدخان الذخاير شوبه=ترهم جلايبها وترهم اجمالها
وازهم عبيده كلهم وشيوخهم=دروعنا أللي نلتجي بظلالها
وانخوا بني هاجر مقابيس البلا=ترهم يجون لمثل ذي وامثالها
لامن نخاهم واحد من ضده=ما تطاوع الشاير ولا عذالها
تعجبك وردتهم إلى جا اللازم=لامن زبر جمع العدو واقبالها
قل تكفون يا قحطان وش ذا السكته=اقطع ارجال(ن) ما تشاف افعالها
عيالكم بالسجن تندب بالثرا=تنخى هل العادات واعزتالها
نعم بابن فيصل أليا جا مجاله=ما ذكر غيره واحد(ن) ارتكالها
يستاهل البيضا ويستاهل الثنا=وذي جابة حق علينا مقالها
ترى الجبال الشاهقة يا ربعنا=من دون داخلها يعدي جالها
وبناتكم ماتنوخذ لابرتوا=وعيب اقبال الخلق ضم اعيالها
لاعاد ما للرجال يدرى هيبه=تسقط منازلها وينزل جلالها
رحنا نبي العيشه وستر أعراضنا=وعيالنا نبغي نسد احوالها
واقلب على شمر وتلقى لابه=ترخص ذراريها وترخص حالها
خيار القبايل طيبين السمعه=سباع الفرايس ما احد(ن) يحتالها
تلفون ابن جبرين في ديرة له=عيد الركاب أللي توامى حبالها
هو مقدم الفضلان لا ضبضب السما=لاضيعت خلج العشاير اعيالها
فاليا سمحتوا من مورث ملبس=وقال الامور الكايدات انا لها
فانخوا لنا الجربان لاجيت حيهم=اللي يذكر بالقدايم افعالها
اللي ليا عدوا شيوخ القبايل=لا وصلت الجربان ياقف جدالها
وانخوا لنا ابن شريم وانخوا ابن علي=هم مزبن اللي من بعيد عنالها
يا سعد منهم باللوازم حزامه=في ساعة لا من بطل عذالها
وانخوا لنا التمياط وانخ الطواله=وانخوا لنا الوجعان حامي اثقالها
وانخ اللغيصم كلهم وانخ ربعهم=قل تكفون يا العصلان هذا مجالها
وانخ ابن حسان راع الحويقه=له قردت(ن) يسطي بها حين شالها
عيا عليها من عصاة القبايل=وعدا بحد اسنانها من جالها
انخ الطنايا كلهم بالجمله=تأتي لك الشياب قبل اعيالها
لعل تأتي من ديرها تمشي=وتسمع إلى انباج السفر هلالها
مالي على الاجواد حق لازم=إلا بشيمات العرب وامثالها
نخيتهم جار الزمان وظامني=ولا غيرهم لي حيلة باحتالها
وانخ السويط مخضبة جرد النمش=شيوخ الظفير مزبنة من عنالها
خيالة القروا هل الباس القوي=اللي قضت في جارها من اعيالها
وانخوا ابن حلاف وانخ قبايله=ستر العذارى حين ترمي اشيالها
خيال قطعان تزايد جفيله=لازاد من حس السبايا جفالها
له عادة ينزل إلى زرفل الدبش=ما احد من الظفران قبله نالها
لا صاح في الخضور ترايعوا=ردوا كما سيل حدته ارمالها
دنيا كفى الله شرها غداره=كم علقت من غافل باغلالها
جوارة بوارة مكارة=مثل الذي خانت شرفها بخالها
خان وجفانا الوقت صار بضدنا=وما كتب للنفس الشقية ينالها
حريمنا لا حل طاري ذكرنا=صاحت وغير الويل ترمي دلالها
ما كن لنا في نجد يذكر عشيره=عزاه يا نفس دناها كمالها
نخيت انا الاجناب مما سطى بي=نار توقد بالضمير اشتعالها
يالله ياللي حكمة النصر بيده=هون قضيتنا وحل اشكالها
تمت وصلى الله على سيد البشر=نبينا المعصوم عن خمالها


*** فهد المحيشير ال عاطف ***


اللي يجنب محلي ما علي منه ان مر قلنا هلا وان راح مسموحـــي
لا صار مابه رفيق وافي فنه كثر المشاريه غربالٍ على روحـــي
بعض العرب لا نصحته زاد به جنه من داعي الخير لا يسمع ولا يوحـــي
مطغيه طيش الشباب ومخلف ظنه مريوح ومرافق المريوح مريوحــــي
الله يثيب العذارا يوم عافنه ما للغنادير فالخبلان مصلوحـــي
من ضحكن اليالي السود بكنه ماهيب كل الليالي ضحك وفروحي
الصبح لا صاده الصياد ما حنه الوقت دوار والمطرود مطروحـــي


*** سعد الهماش ***


الموت هيّن والبلـى وش ورى المـوت "" عنـد الحسـاب يهـون سهـم المنايـا

باكر نموت وتصبـح قبورنـا بيـوت "" وعقـب القصـور لضيقـات الزوايـا

في جوف الأرض وكل من حولنا سكوت "" وتعاقبـن بالقبـر عــوج الحنـايـا

يـارب يامنجـي نبيـك مـن الحـوت "" سترك وعفـوك يـوم كشـف الغطايـا

باكر ليا جينـا علـى داعـي الصـوت "" شيبـان واطفـال وشبـاب وصبـايـا

ندعـى وحنـا بيـن باكـي ومبهـوت "" رحنـا لهـا ننقـاد مـثـل السبـايـا

يـارب تهدينـي قبـل لحظـة المـوت "" وتغفـر ذنوبـي ياكـريـم العطـايـا

أشكيك هـمٍ داخـل الصـدر مكبـوت "" وايامـي الـلـي بالخطـايـا مـلايـا

ان لاذ بك من كـان ضايـع ومبهـوت "" فـي مـن يلـوذ المرتكـب للخطـايـا

يـارب ياقـادر علـى كـل طاغـوت "" لاياقـف اللـي وحـدوبـك خـزايـا

رحماك لامنـا صحينـا مـن المـوت "" واليـا وقفنـا عنـد بـابـك عـرايـا



تقبلو تحياتي

ناصر بن ناشر الهاجري

بيض الله وجهك يا ابن ناشر


والله يرحمهم جميع


مشاركات طيبه


لاعدمناك

موضوع جميل تستحق الشكر

لاهنت وتقبل مروري

__________________



http://www.shbab1.com/2minutes.htm

بيض الله وجهك يابن ناشر على موضوعك الطيب

وفية بيتين لفهد المحيشير العاطفي رحمة الله دايم اسمع الناس ترددة واللي يعرف منها شي لا يبخل علينا يقول......

يلي تبي الزين فعليك بوارد المهنا ....................... لاتشتري فلفو تومي جنازيرة

لاركبة المدغوش انطرب ثم غنى ...................... ماسقط علية الشفر من مياسيرة

والتحية للجميع

موضوع جميل تستحق الشكر

لاهنت وتقبل مروري

__________________

موضوع في غاية الجمال والروعه

وتستحق الشكر عليه وعسى عمرك طويل

على إختيار الرائع والجزل


أخوك

الاخ ناصر الهاجري

بيض الله وجهك

واسئل الله الكريم رب العرش العظيم ان يرحمهم برحمته التي وسعت كل شئ وجميع اموات واحياء المسلمين

شعراء كبار الله يرحمهم وشعرهم باقي وفيه من الحكم والامثال الكثير

لاهنت لاهنت

اخووووووووووك

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

بيض الله وجهك ...

موضوع تشكر عليه ...

ورحم الله عليهم أجمعين ..

وتستاهل السمعة ...

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

لاهنت
بيض الله وجهك
والله يرحمهم

__________________
http://www.shbab1.com/2minutes.htm

بيض الله وجهك يابن ناشر ..

شعار على مستوى رحمهم الله ..