هذا اختصار للمحاوره بيني وبين الشاعر المبدع سلطان الجذع العتيبي
والذي كانت مباشره علي موقع عتيبه امل انني قد وفقت
فيها ومثلتكم خير تمثيل يابني عمي

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الحد الرهيف=

سلام الله علي العتبان والعتبان ساس وراس=يقوله شاعر يعرف بحـور الشعـر واوزانـه
انا ابغي شاعر فارس وانا ابغي شاعر حساس=نبي نسري علي الطاروق لين يقـر ميزانـه
سلطان الجذع =
هلا يامرحبا نايب عن عتيبه هل النومـاس=يقوله شاعر تخضع جنون الشعر من شانـه
وصلك الشاعر الماهر وصلك السابح الغطاس=عسئ الديان يقنـع بالكـلام الزيـن ديانـه
الحد الرهيف =

تهيض يالعتيبي خلها مثل الذهب والماس=تري رزق البشر في دبره المعبود سبحانه
تراني شاعر لا طول الطاروق ماينحـاس=سبحنا في البحر ونجيب لولوه ومرجانه

سلطان الجذع =


نبا نسري بدرب المعرفه لاتطري المجلاس=بعد جاك الجذع سلطان خلك تحت سلطانه
وانا جيت لديركم يامطريه الحياء عسـاس=لعل النفس ترجع من ديار القـوم قنعانـه


الحد الرهيف =


يقولون المعرفه يالعتيبي مالهـا مقيـاس=وسلطان الجذع لما ذكرنا طـار شيطانـه
تركد ياطويل العمر لانحمسك في المحماس=ومن جاء في ديار القوم جاته بين حجانه


سلطان الجذع =

انا والله مااذمك فالمواقف ياقـوي البـاس=لو ان النار عود(ن)واحد ومعمسك دخانـه
ابا اذوقك كاس من الحلا ومن المراره كاس=هذا علمي وتال الليل ابا اوريـك برهانـه

الحد الرهيف =

الا ياصاحبي ياصاحبي مالك ومال النـاس=علي موقعك لاتبعد عن الموقـع وعتبانـه
تمر اسنين ياسلطان وانتو تطبخون الفاس=وهذا حاجه ياطير شلـوي مالهـا خانـه


سلطان الجذع =


ترئ كل مع ربوعه نهار النـار فالمقبـاس=لكن الضيف ماادري باخر اسمه هو وعنوانه
نجيب الك الجديد من السوالف مانبا الدراس=حذاري ياولد وقتـك تعيـد علـوم شيبانـه


الحد الرهيف =

ليما انا لعبنا يالعتيبي ضامنيـن الكـاس=لنا تشهد هل الطاله ونجد وكـل سكانـه
حقيقه الامر ما اظنك نسيت الزير ياجساس=يطير النوم من عينك ولاترقد علي شانـه


سلطان الجذع =


تقوله ياصحيبي بعد ماذعذع لك النسناس=بوقت كل واحد مستظل بستـره امانـه[/poem]

__________________

صح لسانك ولسان سلطان

بيض الله وجيهكم .. عزالله طاروق مايلحقه كلام

وانت ابدعت وتألقت جداً جداً

موفق

وعلى فكره وين انت مانشوفك في محاورات شبكة قحطان ؟

لازم تشاركنا ونستفيد منك على الأقل

ودمت بخير

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

حياك الله وشهاده اعتز فيها من شاعر مثلك ياسعد

__________________

صح لسانك ولسان سلطان

بيض الله وجيهك ... على المحااورة

__________________

محمد الشمري

السلام عليكم ورحمة الله وبركاته

صــــــــــــــــــــــح لــــــــــســــــــــانـــــــــــك
ولسان سلطان

__________________
سبحان الله وبحمده

سبحان الله العظيم


[COLOR="Red"][SI

صح لسانك يالحد الرهيف وبيض الله وجهك
عزالله طاروق رائع من شاعر رائع
و الحقيقه توني اكتشف انك شاعر
محاوره بهذه القوه

والله ابدعت ابدعت
واحلاها
حقيقه الامر ما اظنك نسيت الزير ياجسـاس يطير النوم من عينك ولاترقـد علـي شانـه

__________________

أررررررررررررحب يا الحد الرهيف

مبدع يالقرم مبدع

و يعلم الله انني اعجت بشاعريتك


لاهنت يالقرم لاهنت

و بيض الله وجهك و وافي

تقديري

ليما انا لعبنـا يالعتيبـي ضامنيـن الكـاس
00000000 لنا تشهد هل الطالـه ونجـد وكـل سكانـه
حقيقه الامر ما اظنك نسيت الزير ياجسـاس
00000000 يطير النوم من عينك ولاترقـد علـي شانـه


بيض الله وجهك يالحد الرهيف شاعر مميز ولك حضورك القوي
ويليت يفتح لك المجال انت وامثالك بالمشاركه هنا في المحاورات المباشره

__________________

حمد بن مسفر الحبابي

hmh99956@hotmail.com

ماقصرت تسلم يمينك