[poem=font="Simplified Arabic,5,firebrick,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

خلاص ما تنفـع معـاي المعاذيـر=ولاني براجي واحـد ٍ مـا رجانـي
معـاد لـك عنـدي مكانـه وتقديـر=ومعاد لـك بالقلـب عنـدي مكانـي
أنا ارفعك وانتـه تحـب المحاديـر=ومثلك مكانـه دايـمً فـي الطمانـي
من وين ماسرت الخيانه بـك تسيـر=وما أني با اناني.. ولا احب الانانـي
الي حصل منـك بـدون اي تبريـر=لعبه ولكن شوف لك شخـص ثانـي
تصدق انك كنت فـي عينـي كبيـر=وانك امل روحـي وشمعـه زمانـي
لين انقلب وضعك وشفتك مع الغيـر=يالعن ابـو وحـظ ٍ لمثلـك حدانـي
ولو انك اجمل من علي الارض بيسير=والقلب صوبـك مـا تـرده محانـي
أني لا ادوسه غصب واقول لك طير=مانيـب اهـاوي واحـد ٍ ماهوانـي
لو كنت قد الي نويـت انـه يصيـر=لا اعلمـك وشلـون ذبـح الامانـي
واعلمـك ليـل السهـر والتعابـيـر=ودمع ٍ علـي خـدك تهلـه عشانـي
انـا نسيتـك لاتــدور معـاذيـر=وألغيتـك مـن الذاكـره والكيـانـي
ما قـدر الله انـه يصيـر بيصيـر=خلك مكانـك لاتجـي فـي مكانـي [/poem]

ارحب يا ابن سابره

وصح الله الساانك

ووجهك ابيض وما عليك زود

وتشرفت بمرورك الكريم


تحيتي

بسم الله الرحمن الرحيم

سعود ال شافي

السلام عليكم ورحمة الله وبركاته


صح الله لســـــــــــــــــــــــانك وعلا شانك
قصيده جزله من شاعرٍ جـــــــــــــــــــــزل

بارك الله فيك وفي حروفك
والله يعطيك الصحه والعافيه


أخــــوك
خليل المطيري

ارحب يا خليل المطيري

وصح الله ابدنك
وما عليك زود

تشرفت بمرورك

لك ازكي تحيه

صح لسانك ياسعود
قصيده جميله وبيض الله وجهك

الشاعر : سعود آل شافي



صح لسانك وبيض الله وجهك



قصيدة معبرة وجميلة



دام تواصلك وإبداعك


ودمت بخير ..

ارحب يا معيض

وصح الله ابدنك وانا اخوك

وشرفني مرورك الكريم

لك ازكي تحيه

صح لسانك يا سعووووووووووووود


وبيض الله وجهك

صح ابدنك يا الهلال


ووجهك ابيض

تشرفت بمرورك

تحيتي