السلام عليكم ورحمة الله وبركاته
....اخواني ....
...المواقف كثيره التي تمر على الانسان خلال حياته .
( مواقف حياتيه وليست مواقف سيارات) ..
..ارجو من كل اخ المشاركة بتدوين اغرب موقف يكون مضحك او غريب مستبعد الحدوث .....
....ويالله نبدأ بمين ....
....ويكون ترشيح على احسن مشاركه تاخذ هديه من شبكتنا العزيزة ( توريطه للاداره )...

__________________
[frame="10 80"]ومامن كاتب إلا سيفنى ......ويبقى الدهر ماكتبت يداه

فلاتكتب بكفك غيرشئ.......يسرك في القيامة أن تراه[/frame]

السعيدان

الله يحييك ويعطيك العافيه

أنا بقول لك موقف وأنا صغير

كان الوقت برد من جد المهم أبوي صحاني لصلاه الفجر وطلع

وهو صلى ورجع ولقاني نايم قال قم صل ويصيح علي

أنا ممكن عمري 12 سنه أو 13 المهم قمت ورحت أوضي

الا المويه من جد باردة ماقدرت أوضي فقعدت شوي ورجعت كأني وضيت وأنا ما وضيت

المهم أبوي رجع لفراشه وأنا جاي قال وضيت قلت ايه قال الله يهديك صل

قلت طيب وكان وقتها جالس في فراشه وكنت نايم في الغرفه مقابل للمجلس وهو نايم في المجلس

المهم يسمع صوتي وأنا أصلي قلت براسي أدخل في البطانيه وساوي كأنك تصلي علشان

يسمعك وانت تصلي ودخلت وغطيت راسي من البرد وأجيك أقرأ الفاتحة وأنا منسدح بالفراش

وهو على بالي نايم في المجلس المهم

وصلت عند ولا الضاليين الا أبوي أسمعه يرد ويقول آميين وحسيت كأن صوته قريب

وأفتح البطانيه الا وهو واقف على راسي ...طالع فيني قال عسى ماشر

عاد صرفتها وقلت اني صليت بس قاعد أستغفر وأقرأ قران

قال أقول قم صل ورح توضى شكلك ما وضيت المهم كليت خابوور مع البرد



مشكور أخوي السعيدان والله يعطيك العافيه

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

مشرفنا العزيز

منصور العبدالله

والله أني أضحك من الموقف واتخيله كاملاً لاهنت بيض الله وجهك

وفي انتضار المزيد من المواقف المضحكة من كافة الأعضاء ولاتنسى فيه إنشاء الله جائزة لأقوى موقف ,,,,,,,,,,,

__________________
[frame="10 80"]ومامن كاتب إلا سيفنى ......ويبقى الدهر ماكتبت يداه

فلاتكتب بكفك غيرشئ.......يسرك في القيامة أن تراه[/frame]

عاد لا أوصيك على الجايزة يالسعيدان

بس وين الشباب مالهم حس ولا خبر

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

قبل حوالي 8 سنوات كنت في رحلة مع ولدي الذي كان في ثاني متوسط الى محمية كروغر في جنوب افريقيا وكنا في شاص مكشوف بدون غمارة مع السائق والدليل في جولة بالمحمية وبعد جولة حوالي 3 ساعات توقفنا في الغابة ونزلوا البراد من السيارة لناكل الافطار ... انا والدليل ابعدنا عن السيارة حوالي 10 متر يشرح لي عن احد الاشجار الغريبة وعصام قرب السيارة مع السائق .. واذا بعصام يصرخ ... اسود .. اسود ... والتفت واذا هناك مجموعة اسود متجهة نحونا ... وبسرعة صعدنا السيارة ..طبعا السيارة مكشوفة وبكل سهولة يمكن للاسد ان يطمر ويقطعنا ... طبعا الدليل مسلح فقال لا احد يتحرك او يقف فقط هدوا اعصابكم ... فاذا ب 9 اسود احاطوا بالسيارة واثنان منهم جلسوا امام وخلف السيارة فلا يمكننا التحرك وبقينا ننتظر حوالي ساعة فتركونا ومشوا ...
الولد كان مستانس بس ابوه بس ابوه ما بقى عظم بجسمه ما رجف من الخوف.

أنا كنت أكلم واحد من الشيبان وأنا في السيارة وأحاول إني أنتبه لنفسي لا تطلع كلمة منا ولامنا المهم كنت مسرع شوي (( 140 )) وعرقت وأنا أكلمه (( مستحي )) فتحت الدرج اللي حولي وأخذت منديل مسحت العرق فتحت طاقة السيارة أبغى أرمي المنديل رميت الجوال وأفرمل فرملة (( لصق وجهي في المراية )) وأسفط عالجنب أبغا أخذ الجوال ما قدرت سيارات ما توقف (( تعرفون زحمة الرياض )) لين فضا الشارع (( تقريبا )) ورحت مسرع وأخذت الجوال ورجعت السيارة ودقيت عالشايب وصرفته (( ))

..............................

مشكور عالموضوع الرائع

__________________
No thing

والله يمكن يكون احرج موقف صار لي بالشليهات في منتجع شاطي الشقيق

كنت اسبح في البحر وعندما ذهبت الى الشلية كلها سوى دخلت في الحوش حق جاري وتروشت لا واغني ومبسوط

وبعد مانتهيت ذهبت للباب حق الشلية ابي افتحة ويطلع علي رجال وقال ياولد انت غلطان والله انحن نطالع فيك

من ورى القزاز العاكس وانت تتروش في حوشنا وعرفنا انك غلطان انتبة لرقم الشلية ثاني مرة نفداك وترى الاغاني حرام والله يستر عليك

__________________

الواصل


من زين علومك تعلم بها هههههههههه


منصور العبدالله

موقف لا تحسد عليه ودك أن الشايب توطى في بطنك ههههههههه



بدون زعل ياشباب

أفا يابن غفرة ليش نزعل

ودك إنه توطا بطني مادام ماصليت وأستاهل أكثر

بس والله كل المواقف رهيبه

الواصل


هههههههه شافوك وانت تتروش وما عليك شيء

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

والله أحد المواقف الطريفة لدي هو عندما ودعت مجموعة من الزملاء في المطار وكنت أريد ان أودعهم

واريد ان أقول مع السلامة . الله يستر عليكم . خانني التعبير فقلت لهم كيف الحال طيبين ههههه

وشوف ذاك الضحك ..............؟

عسى اعجبكم

__________________