محاورة قوية || سعيد الفهري و زيد العضيلة ||

[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعيد الفهري:
مرحبا من طير حرٍ ما يبلش في عشاه = لو يجيبه من جبال تلج ذيابها
في مقام عيال مفلح مطوعت العصاه = درع جنبي يوم بقعاء تشرع بابها

زيد العضيلة:
البقا من طير حرٍ رفيع مستواه = من طيور تطرح الطايرة مخلابها
نعم في ربعك وكل الرجال إلهم براه = والبلاوي جعل شرواك ما يبلابها

سعيد الفهري:
ويش هذا الطاير الله يكافينا بلاه = لايجي في الطايرات تفترق ركابها
أثقل من الدين والدم وجبال السراه= وأكرم من اللحية اللي تحف أجنابها

زيد العضيلة :
لا تجي قدام وجه ويحرمك الحياه = انتبة من خطةٍ ما حسبت حسابها
يا مقفل باب الارزاق خشمك والصلاه = نعنبوها لحية ما ترف أشنابها

سعيد الفهري :
لو نسل السيف نقسم بها أشناف الحصاه = لو تجي في الفزعة سلاحها مشعابها
من سبح في البحر يحرص على طوق النجاه = لو يروح الطوق موتتك ما نرضابها
زيد العضيلة :
السلاح اللي ينومس يربح من شراه = أنتبه للخنجر اللي مسكت نصابها
أنت يا الهاوي تردد على نادي الهواه = ما نلوم اللي سواتك يبي يشقابها

سعيد الفهري :
السلاح الدين والوجه ودروس الحياه = كم غشيم يشوف مكة ولا صلى بها
أنت يا الغاوي تليم على شلة غواه = لا حميتو عرض ليلى ولا هندابها

زيد العضيلة :

صح ما قلته لكن البلا شيءٍ وراه = سعد من شرف لمكه ومن يسعى بها
آخر الايام ليلى تدور للزكاه = تشتكي لك وأنت مدري تجيب ثيابها

سعيد الفهري:
ما معك في السيف يا طير شلوى الا شباه = لو تذوقه رمش عينك يحك ترابها
الزكاه اللي على الكايدة يلحق مداه = شرهت السلعة يا شايب على جلابها

زيد العضيلة :
انفتح باب من الفقر ماهو من غناه = وش وصاة الشايب اللي لكم وصا بها
لم حبك وأجمعه عقب دورنا الرحاه = ما نخضب يدك بخضاب غير خضابها

سعيد الفهري
الوصاة إنا نحد المطيري في الفلاه = لين يعرف صادق القوم من كذابها
يا وسيع المعرفة من عطاة الله عطاه = لو تسوي لك ملاويح وانا ادرى بها

زيد العضيلة :
كان هو وصاك وش فيك ضيعت الوصاه = مير أظن وصايته غير يا كذابها
ياوسيع المعرفة صاحبك فيت عصاه = اقتربها واهل مكة تعرف اشعابها [/poem]

__________________

محاوره رائعه وتعتبر من اقوى محاورات الموسم

جمعت إثنين بدون شك انهم من عمالقة المحاوره

سعيد الفهري و زيد المطيري

صح لسانك ياسعيد وصح لسانك يازيد

ولاهنت يابو مسفر على النقل الرائع اللي مايستغرب عليك لاعدمناك ،،،،،،،،،،،

تحيات اخوك.
.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

بالفعل كانت من اقوى محاورات الصيفيه


لاهنت على المعانقة السريعه يا بو عبدالله



اخوك

شكرا لكل من الشاعر سعيد الفهري وزيد المطيري


واسعد الله مساكم بخير كلام عذب وطري


محاوره رائعة

__________________


( لمراسـلتنـا اضغط هنا )

هلا ومرحبا فيك


تشرفت بمرورك

لا هــــــــنـــــــــت على النقل

محاوره قويه بين شاعرين معروفين

وسعيد شاعر نتمنى له الخير وان شاء الله
يصبح من شعراء قحطان اللي جميعنا نفتخر بهم

هلا ومرحبا فيك

تشرفت بمرورك يا فالح

لا هــــــــنـــــــــت يالقويفل مراقبنا القدير والغالي على النقل

محاوره قويه بين شاعرين معروفين

وسعيد شاعر نتمنى له الخير وان شاء الله سيكون من اشهر واكبر شعراء المحاوره

وزيد شاعر علم معروف علي الساحه من ثلاثين عام

السلام عليكم ورحمة الله وبركاته


ارحب يالقويفل



صح الله لسان سعيد وصح الله

لسان زيد العضيله


وصحت يمناك على النقل الرائع



تقبل وافر الاحترام

__________________
00000000

البقاااا يا بو مسفر


شرفت الموضوع بمرورك

لا خلا ولا عدم

__________________