البــارحة فـي الليـل يــــوم اتنـــــزّه *** اخيل بـرّاقٍ سمـر ويـــن يــــــازي
واصبحـت قلبــــي رابعاتـه تهــــــزّه *** تهزنـــي الانــواء وانا «بالـــدرازي»
من دون ربعــي فرجــــة مبرهــّـــزه *** ابغى العزا عنهم ولا نيــب عـــازي
ترك صبــيٍ في البلــد ضـــاع مــزّه *** رب البـلاد ومن هل البـــر جـــازي
انـا ليــــــا كـــلاً لـــذا فـــي ملــــزّه *** في ما قف السفهان مانيـب لازي
ونفسي عزيزة بعض الاشيا تكـــزّه *** يا حبني لهل النفـوس العــــزازي
حلفت مـا اوقـــــف عليهـم بــــدزّه *** نفوســــنا حنــــا لهـــنـه بـــــوازي
يا ما حلا عــاد اول النبـــت فــــــزّه *** ممشا مع من كان للنفس جـــازي
وخوة من يبغــى الاناســـه وعــزّه *** خـوة رجـــالٍ تنشــــرا بالفــــــوازي
لاركبوا الجـــره وهـــي مستعـــزّه *** يازينـها في الرمـل عقـب العــزازي
ثم شاوف الشواف شــــوف يمــزّه *** ثم شاوف الابل من بعــيد خـــزازي
ترعـا بخاطــــي رقــــــة مقرهـــزّه *** ثـوانـــي مثـــل النخـيــل الركــازي
وبـيوت اهلــــها من وراها بنــــــزّه *** مشيـدات فــي العـــلي النـــــوازي
لامن اقبل الطارش بنضــوة يهــزّه *** كـنه على البيت المطرف يحـــازي
هـزه ودزه وانثنــى عنـــــد بـــــزّه *** والضيف من طيب المعازيب فـــازي
يازين شـــب الضـو خـطوات حــــزّه *** في مجلس ماسفـروا له بقــــازي
راعـــيه من عـــــادة صغيـر منــــزّه *** جنـوبـي كنـــه ربـــــوة حجــــــازي
عجـل ليـا جــــاه المســـير بفــــزّّه *** لاهـــــوب لانــــزر ولا بالقمــــازي
يا جـــــار لامنك بغيــــت المعـــــزّه *** عـنّز على اللي جارهم ما يهازي
جـــــار من الجيـــران ودك تلــــــزّه *** وجـار ترا جمعاه منها المجـــازي
حذرا من الـلي بالقرى مستـلـــزّه *** اللي يبيــعون اللـبن بالبيــــــازي
وعلى النبي صلوا على كل حــزّة *** يالله النجا يوم النـجا والمفـــــازي
*************

المرحوم عيد بن خلف العاصمي القحطاني بدون نقص او زيادة

أرحب يالصامت

وبيض الله وجهك على النقل

وصح لسان المرحوم عيد بن خلف العاصمي

قصيده معبره وفيها من الحكم الشئ الكثير

ولا عليك أمر حاول تجيب لنا قصايده جعل عظامه فالجنه

لاتحرمنا جديدك يالقرم

تقبل ودي وتقديري

__________________

يعطيك العافيه يالصامت ..


وكثرت الأخطاء في قصيده ابن خلف رحمه الله عليه من حيث ناقلينها




لاركبوا الجـــره وهـــي مستعـــزّه *** يازينـها في الرمـل عقـب العــزازي
ثم شاوف الشواف شــــوف يمــزّه *** ثم شاوف الابل من بعــيد خـــزازي
ترعـا بخاطــــي رقــــــة مقرهـــزّه *** ثـوانـــي مثـــل النخـيــل الركــازي




لا ركبوا الجره وهي مستعزه __ يازينها عقب الدعث في العزازي
ثم شاوف الشواف شوف يمزه__ طوارف الابل من بعيد خزازي
ترعى بخاطي رقــــه مجرهزه __ في وادي مثل النخيل الركازي




وباذن الله سوف نورد القصيده الصحيحه ان شاء الله

__________________

رحمه الله عليك يا عيد بن خلف ال عيفه

قصيده كله حكم وفيه الكثير من المعاناه

ودرج على اللسن الناس الكثير من ابيات هذه القصيده الجزلة منها الأبيات:

يا جار وان كان تبغى المعزة الخ ....

نفسي عزيزة بعض الأشياء تكزة الخ ....

يازين شب الضو خطوات حزة الخ ...

الله يعطيك العافية يالصامت وموضوع مميز مثلك

__________________


http://www.qahtaan.com/works/up/get....fmnp1261962149

يعطيك العافيه يالصامت ..

__________________