[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا هاجسي مرقاك روس المشاريف=في عالي المرقاب فـوق المبانـي
خل الفكر يسبـح بليـا مجاديـف=مع نسيم الليـل والبـدع زانـي
واكتب حروف ماتجيها التخاريف=من قدح فكري يوم ترجم لسانـي
عند الرجال اهل الكرم والمواقيف=دعوى العنابس طيبين المجانـي
اللي نهار الحرب ترو المراهيـف=اربوعنا وقت القسـاء والليانـي
وبسم آل مسفر بالنيابه هل الكيف=والعود الازرق فاح والزعفرانـي
يامرحبا ترحيبتٍ ترهـي الضيـف=ترحيبتٍ تثنا في سلـم قحطانـي
عنوانها التقدير من دون تزييـف=ومفطحـات قدموهـا سمـانـي
ابوهم اللي مايحسـب التكاليـف=عساه بالفردوس عـال المكانـي
ولا ناسبوا غير الرجال المعاريف=اللـي حميّاهـم عيانـن بيانـي
الاد مسـرد للمراجـل مشاغيـف=عدوهـم عشـره تعـود ثمانـي
هذا وانا ربعي كما حـدّة السيـف=جمع آل حازب عـزوة ماتهانـي
تاريخهم بالمجد مافيـه تحريـف=قول وفعل والمدح فيهـم نخانـي
واليوم ننعم كلنـا مثـل ماشيـف=في نعمة الاسلام وامـن وامانـي
يالله دخيلك مـالمحن والصواديف=وانك تخارج من بـلاو الزمانـي
قلته حقيقه ماهويـت التصانيـف=يوم الوفا من طبع كـل قحطانـي
[/poem]