[poem=font="Arial,5,black,bold,normal" bkcolor="skyblue" bkimage="" border="double,4,gray" type=1 line=1 align=center use=ex num="1,black""]

بسم الله الرحمن الرحيم
قصيدة بمناسبة اجتماع قبيلة ال سالم على ضيافة رجل الاعمال /طارق الجضعي , الذي دعم صندوق القبيله بمليون ريال .
ياهجوس القصيدموردات القصيد=اركدي لاتزيدين المشاعر طياش
هاجس الشعر غنا ناوي بالجديد=يختلج في ضمير كل ما احتر غاش
ايحداني على الابداع راي سديد= ياسلامي على راي يفض النقاش
يمدح الطيب اللي في اللوازم رصيد=لابغوه الجماعة حصلوه المعاش
ابلج سمح متواضع رفيع رشيد=في الشدايد عبوس وفي العوافي بشاش
فاتح باب صدره فايد مستفيد=مايراوي بخيل ولايدانيه لاش
ذاك طارق ليا قلتوا من اللي تريد=ابن عم حلاله في المواجيب كاش
كل مامرنا في الوقت خطب شديد=قال انا راعي الوقفات واخذوا بلاش
راس ماله من كبار العطايا يزيد=سيل وسم يحذف في الحزوم القشاش
كل ماساقه الرحمن لارض هميد=لبست من الجمال اغلى الحلي والقماش
سقت مليون واتقول ابشروا بالمزيد=والله انها بياض مالحقها غباش
كل مشروع خير لك ورى فعله ايد=ابشر بفزعته في وقفة الارتباش
لادنت شمس يوم الحشر فوق العبيد=واحتمت ساعة الروعات والاندهاش
فايز بالجماله جعل حضك سعيد=نشت شي بعيد متعب مايناش
امدحك وانت تستاهل وللمدح سيد=ماني بمدحك ياطارق وادور عراش
امدح الكفو من لدنين ولا بعيد=كلمة الحق نور مايجيه الفراش
مثل شمس الصباح اللي ضياها مديد=مايجي مثل اشعتها شعاع الفلاش
اجتمعنا على رايك ياسيف الوليد=انت راع الرحابه والصحن والفراش
ربعك الاد سالم فيصل من حديد=ايتعزوون باسمك في الرخا والهواش
صف واحد ومن بيت رفيع جويد=مابنينا الخدور ولاسكنا العشاش
جدنا سالم اللي في زمانه عقيد=كاسب البل وحاميها هجيج وعواش
سمعته غرد بها الطير فوق الجريد=من كثر ماسعى للنعم واحرز وحاش
ماخذ الصدارة رغم خشم العنيد=مده الله بعز مايجي منه ماش
اول صفحته بيضاء وفعله حميد=واخر مايوردها بعضم هشاش
ياسلامي على المجد الحديث التليد=لاسمع به عزيز القوم غنا وشاش
وياسلامي على جمعا شريفه وعيد=ترفع الراس واتبل الكبود العطاش
الله ايصونها من كل راس مريد=والقلوب المريضه والنوايا الغشاش
وايحفظ واحد في طيب فعله وحيد=التوى بالمراجل كلها مابقى آش
ذاك طارق ليا قلتوا من اللي تريد=انعم الله عليه وكثر خيره وعاش[/poem][/poem]

صح بدنك ياعلي ال جبعان ولاهنت

الشاعر الجزل هادي ابن محسن ابن جليغم

بيض الله وجهك بيض الله وجهك يافهري وصح لسانك وانت كفو ومدحت كفو

واجزلت وكفيت و وفيت ومدحت من فعوله ترفع الراس

تقبل تحياتي وتقديري واعتزازي بك

صح بدنك يابو معتز يشرفني ويسعدني مرورك واطراءك

صح لسانك يالقرم


وبيض الله وجهك على القصيده الجزله


وانا اشهد ان الرجال ذا كفو ويستحق القصيده ومواقفه تدل على ذلك

__________________

محمد بن سعد العبيدي مرحبا بك يشرفني مرورك وصح بدنك

الاخ هادي بن محسن بن جليغم

السلام عليكم ورحمة الله وبركاته

مشكور على هذه القصيده التي تكتنز الجزاله

والدقه في الوصف والاعتزاز بالنفس وانتم كفو ياربعنا

امـــدح الـكـفـو مــــن لـدنـيــن ولا بـعـيــد=كـلـمـة الـحــق نـــور مايـجـيـه الــفــراش
مثـل شمـس الصبـاح اللـي ضياهـا مديـد=مايـجـي مـثـل اشعتـهـا شـعــاع الـفــلاش
اجتمعـنـا عـلــى رايـــك يـاسـيـف الـولـيـد=انـت راع الرحابـه والصـحـن والـفـراش

تقبل تحياتي

صح الله لسانك والممدوح يستاهل المدح

لاهنت ع القصيدة الجزله

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

عاشق الوطن ونايف بن جليد مرحبا لاهنتوا على المرور