[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
انا الذي عن باقي الناس خابر=وعندي خفا علومٍ عليها تكتمت
ياما على الغران ساكت وصابر=ولا مع الفاهم عرفت وتفهمت
وسلومنا من ورث كابر لكابر=ولا انت توك للمراجل تعلمت
تو البشر كنك عليها تثابر=وعلى الردى بين الشراذم تشرذمت
وبيحت بسدودك على كل عابر=ومن البشر على البشر كم تظلمت
هذا جهد حيلك ونفسك تنابر=وفي غير طاقتها حلمت وتوهمت
ولوك تحدثنا من اعلى المنابر=ماني مزكي نيتك لا تكلمت
وصغير في عيني لو اليوم كابر=بعين الردى والزور واللوم والشمت
الحي مايرجي فزوع المقابر=ياللي عن الاحيا وقفت وتزعمت
ومادمت ماتقوى علامك تكابر=ومن البدايه ليه بالله تحزمت
جابر كسورك دام تقدر تجابر=وضمد جروحٍ من عناها تهشمت
ومدام شرهات الورق عالمحابر=وعلى شفاهٍ حال من دونها الصمت
اعز نفسي من الهدف والمعابر= وآمنت في رب البرآيا وسلمت[/poem]