بسم الله الرحمن الرحيم

إن الشيخ حسين بن معوضه وشقيقه أبو دهام زاروني في الجنوب

في وفاة خالي رحمه الله ومعهم اثنين من مشائخ المسارده

إبن الشوافه وإبن دمخان وعندماإتجهت في إتجاه الرياض كتبت هذه

الأبيات مع أنني لست بشاعر ولكن محاولة ..


وهذه قصيدتي :

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله ياذا الجلال اللي نصبت الجبال =ياخالق (ن) البشر ياعالم أحوالها

ياقابض الروح ثبتني بوقت السؤال =وأغفر ذنوبي ياربي وأحسن أعمالها

وخلاف ذا ماتعلى في النصوب الخيال=وماهلت المزنه الغراء بمخيالها

سلام ياكاسبين الطيب روس الرجال =يانسل من غنت الأبطال بأفعالها

حبابية(ن) تمن الخايف بحد السلال =يوم الذياب الجياعه ترمي عيالها

حمد صديقي وأخوه حسين نعم القبال =المرجله والشجاعه دوم بقبالها

ولاد مسرد هل الطالات يوم القتال = في صفحة المجد والتاريخ وأجيالها

من دون طلحاب فعله باقي ولايزال =أطش له غترتي وأطوح عقالها

ولاد مسرد زحول وفي الجزيرة جبال =وعلى البسيطه ماحي ينكر أفعالها

وقلته وأنا من شبوب الحرب أسود العيال = عليية(ن) تمن الجاني ويعنالها [/poem]

وهذه قصيدته :

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اطلبك ياعالم النيه عزيز الجلال = ناس(ن)تعلى على قدرتك عزا لها

لك الثناء والشكر والحمد في كل حال =مصرف (ن) العباد وكاتب أجالها

ومن بعدها مرحبا بك ياعريب الخوال =ياللي تصوغ البيوت وترسل إجزالها

عادتك يامسندي نظم البيوت الجزال =والأبيات تعرف لمخرجها ومدخالها

ياكاسب المدح شوق اللي زهاه الدلال =غيرك يبي سيرتك لاشك ماطالها

ودي بشوفك يابن هباش والوقت طال = ونفسي ونفسك عسى الله يحقق أمالها

خوتك تشترى يابو فيصل بنقد الريال =وكم واحدا رغبته ياشيخ مانالها

يوم أنت من لابت(ن) تعرف نهار القتال =لي حضروا بالفروخ وخيرة سلالها

لأخصام لي شافو آل (إعلي )جاهم جفال = تعد من روس قحطان ومن أبطالها

نيابتا عن مساردة دواما ثقال =تثبت نهار القتال أثقل من جبالها

ابطيت بالرد ياحامي عقاب الهزال = قومي ظروف الزمان وكثرت أشغالها

وقومي رجالا تعامل ربعها بالهبال =والأنذال لازم نكيل لها بمكيالها

لأنذال لو جالها في مجتمعنا مجال =والله (ن) تجر الفتن وتزود إشعالها [/poem]

__________________

كلام عذب وقصيدة اسطورية يعطيك العافية وتقبل مروري..

ونعم بك وبابن معوضه شعراء

وصحت السنتكم والله يجمعكم علي عز ومعزه

ويكثر من امثالكم

ابو فيصل اولاً رحمة الله على خالك رحمة واسعه و والنعم بك وببن معوضه وصحت السنتكم وشعار جزلين وكلام جزل . تقبل تقديري واحترامي

صح لسانك وبيض الله وجهك
ونعم بالمادح وبالممدوح
عسا الله يجمعكم ولا يفرقكم

لاهنت يالعليي

__________________

احد(ن) فعوله تجمل بني عمه..........واحد(ن) على ربعه شرهه ومنقود

مرحبا ترليون يابو فيصل

الله يرحم خالك ويسكنه الجنه

وصح لسانك ولسان بن معوضه

دائما جزل وما تجيب الا الجزل جعل من خلفك في الجنة ..

دمت لنا يا مبدع الشبكة ..

__________________

مرحباااااااااااااا الف بو فيصل

صح لساااااااااااااااااااانك

ولك تحياتي

__________________

أخواني الأفاضل شرفتوني بحضوركم المشرف الله يبيض وجيهكم

ويجمعنا بكم في دار كرامته وأعتذر لكم عذر شديد في عدم التواصل

لأني والله كنت خارج المنطقه وأسأل الله أن يجمعني بكم قريب في أجمل

حال ...

ألف ألف شكر لكم جميعا ...

__________________

أرحب يابوفيصل

وصح لسانك ولسان بن معوضه

تحياتي لكم

__________________

أرحب يابوفيصل

وصح لسانك ولسان بن معوضه

__________________