[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

مثل مايحن الجمس ياحن قلبي حن=الي دز بنصه بعد ماعشق بثاني

يسوقه غشيمٍ ماعرف للقياده فن=وعاده على السرعه عجولٍ وشفقاني

على الصاحب اللي لاتغيب عليه احزن=وانا كل ما غيبت ياتيه ماجاني

لمنه ابتعد يبقى على هقوتي والظن=وانا واثق بالله ماكان ينساني

لما قلت له ينصت ومن عادته يزكن=يفهم من نظر عيني قبل ينطق لساني

وان اقول من غيره ملكني بحبه من =ومني سواته ساكنٍ وسط شرياني

لما مر ذكره خايفٍ من غلاه انجن=وكم مرةٍ قد مر ذكره وعناني

ارحب وانا صادق ولك في الحشا مسكن=لك القلب كله دام ما فيه سكاني

لن انساك ابد مره ولا اسج عنك لن=ولا لي بغيرك ياوليفٍ تبلاني

ابشربي وانا لك دوم ياطيب المعدن=ياعزوة هل الطولات في كل ميداني

زبون المجنا لي جلا مالقى مزبن=لهم ماقفٍ يذكر على مر لازماني[/poem]