[poem=font="Simplified Arabic,6,green,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أهنّي قطر شعب و حكومة على الانجاز=و لا هو غريب إن كان فازوا هل الدوحة
وأخص أبو مشعل لا غرابه بعد ما فاز=و مدير الملف اللي تعب و أسّس صروحه
وأبومشعل حزام السعد مزبن و معناز=يا مبعد هقاويه و نظر عينه وشوحه
تميمي صميدع رأس مطنوخ ما ينرّاز=فعولها ما تحصى في مقالات و إطروحه
حمد مثل ضلع طويق رأسي و لا ينهاز=جبل عز ما أهتزّت علاويه و سفوحه
و قطر فازت وتستاهل الفوز ما يعتاز=و حمام النوامي يوم فازت جذب نوحه
وحنا فرحنا و الملف بنجاحه حاز=قد أصواتنا من فرحة الفوز مبحوحة
وأنا جيت أشارك لابتي محزم المعتاز=بعد ما شعاني بارق" يشتعل ضوحه
هجوس الشعر كنها تحضّر على الإيعاز=ليا حانت الوقفات ما هي بمسموحة
ما هو ينفع المقعاد يا صاحبي فواز=ليا صار ما للرجل جيّة و لا روحة
أنا من رجال العرف و الشعر و الألغاز=يمثل بني عمه و يفداهم بروحه
رجال الحباب رجال عز و و فاء و عزاز=بني عمي اللي فالمواقيف ممدوحه
ما فينا الردي و العبد والقين والخراز=ولا اللي يخون العهد و الخافي يبوحه
رجال" تضد الخصم و اللاش و اللماز=يا كم من عدو" فاللقاء تنزف جروحه
ورى العنصرية والتفرّاق ما ننحاز=و في سلمنا زلّات الأقراب مدموحة
و بعد ما أعلنت يوم الوطن شاشة التلفاز =نسوق التهاني و المشاعر لها فوحه
عن أهل السعودية عمى المجرم الهماز= من إحساس شاعر يدفعه شوقه وبوحه
وباسم المليك اللي على كل صعب أجتاز=زعيم العرب يا بعد مغزاه وشبوحه
أبومتعب اللي بالوفاء والكرم يمتاز=من عطفه نشوف دموع الايتام ممسوحة
لما إنها بدت لي صورته داخل البرواز=أوقف وأقبل صورته داخل اللوحة
ورجال الخليج إن جاز للخصم وإن ما جاز=كفو و العدا دايم مكبّل ومطروحه
خليج العرب من طمع به نحرق بالقاز=كبود العدا منا مريضة و مجروحة
ترى من طمع في كنزنا نفط وألّا غاز=لقى حتفه و هقوات شرواه مكبوحه
وترى الصقر يبقى صقر والباز يبقى باز=وبيت العز تثبت فوق سيسانه سطوحه
يزيد الكلام وزبدة الهرج في الايجاز=أخير الكلام يدلّ و يبين مصلوحه
عسى الله يجمل من نوى للجميل إحراز=رجال الوفاء بالطيب والمدح ممنوحه
أهني قطر دار نجاحه فخر و إعجاز=أعيد التهاني والمقاصيد مشروحة
قطر دولة الامجاد والعز والانجاز= و بيبانها للضيف والجار مفتوحة[/poem]

أخوكم/علي الشناني الحبابي
"الشاعرالطرقي"

__________________