[poem=font="Traditional Arabic,6,black,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الاوضاع حساسه وباابدى بلا تقديم=كذا بابدأ الموضوع وابين ابعاده



ماأعمد على التعديل ولاّ على الترميم=وكل(ن) يطبق منهج آباه واجداده



وجيه الكرامه فالها القدر والتكريم=وهل الطيب منّا تاخذ الطيب وزياده



أنظّم بيوت الشعر في قالب التنظيم=ويازين زين الشعر لاجا بميعاده



وانا اقدّر الاصلي ولا اقدّر الترهيم=على شان اوفر قدرة المخ واجهاده



ومادام صار الوضع تعتيم في تعتيم=بافك الرموز وباعطي العلم نشّاده



يابو الفهم لاتبلش لأني أبو التفهيم=رموز المعاني صيد والفكر صيّاده



ابا احط نفسي عضو في لجنة التحكيم=ولو ماهي ابلهل الاحاسيس نقّاده



ولاني مع التحليل ولاّ مع التحريم=ولكنّ لاباس الرجل يرضي افواده



ولا يحسب اسنينه ولايفتح التقويم=يعيش الحياه ويكفر ابعيد ميلاده



اذا انّه بدا المشوار صار السهاد امقيم=ومن داه بيده يصبر ان طول اسهاده



مريض المحبه آخره غرفة التنويم=او انه على كوعه بلا فرش ووساده



له اشهور ناسي لاحلاقه ولا تنعيم=عسى الله يكتب لطفه ويرحم اعباده



قرار العزم والجد لا لحقه الترسيم=نوقّف على ماورّث الجد لاحفاده



نوجّه على شان الخوي للوفا تعميم= نتابع مراده لين يستكمل امراده



وعلى اثنين هذا الامر مايقبل التقسيم=صحيح البخاري صححه قوة اسناده



والاوضاع حساسه ولابد من تختيم=كذا باانهي الموضوع واشتّت ابعاده[/poem]