[frame="7 80"]هذا الشاعر الشاب سالم بن دخيل الحبابي شاعر رائع سمعت له بعض القصائده الرائعه
رغم حداثه سنه واليوم في جريده الرياض قريت له هذه الشامخه
الذي اهديها لكم في مجالس قحطان وترقبوا جديد هذا النجم

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياللي بسوق الطيب ما تفرق السووم=الطيب ماله بين الاجواد حاكر

لا تشتكي للناس لا صرت مهموم =وتقول من دنياك شفت المنااكر

تقبل بك علووم وتقفيبك علووم =ويشعفك برق في دجى الليل ساكر

واليا غدالك مع طيور الفضى حوم =تحيا وتنسى بعض ما كنت ذاكر

واعرف ترى حال البشر ما لها دوم =لامن صفالك مشرب كان عاااكر

وش قيمة الدنيا ليا صرت ملزوم =بالرحله اللي ما عليها تذااكر

والنقص في بعض البشر ييرث الزوم =ومن يجحد الانعام ما هووب شاكر

وان ذمك الجاهل فلا نته بمذموم =لا راوزك خطوى ضعيف يجااكر

في منزل الاحرار ما ينزل اليوم =للبوم عش وللنوادر مواكر

واليا ضحك من حالتك عليت القووم =قل له ما دامك للتماثيل فااكر

ياضاحك باللي تعذيته اليوم =لا تبكي اليا من تعداك بااكر[/poem] [/frame]


http://www.alriyadh.com/2008/04/25/article337298.html

__________________

حي الحبابي و حي ماجاب

صح لسان بن دخيل

و الصراحه انا سمعت له قصيده في المجاهيم وكانت رائعه

والله يدله على السمين

وماقصرت

تقبل مروري

حياك الله يابن ناشر ومرحبا الف

__________________

مشكور يا/الحبابى

شاعر فطن ...وكلمات مليئه بالمعنى الشعرى المكين ..!!


ولكن هل هو فى المشاركين فى شاعر المعنى ؟؟

عزالله انك صادق يابو فيصل


سمعت له كم قصيدة في غاية الجمال

وقريت له عدة قصائد جميلة جداً



وصح الله لسانه وبيض الله وجهه


وجعل تسلم يابو فيصل دايم صيدك سمين واختياراتك رائعه

هلا ابومشرف هو شاعر نظم ماهو شاعر محاوره ولا شارك في البرنامج

__________________

شاعر ونجم ماشاء الله عليه

وانت يابوفيصل مشكوووور

__________________

صح الله لسان الشاعر ..

شاعر مبدع وجزل ..

وله مستقبل طيب بإذن الله ..

ولاهنت على النقل يا بو فيصل ..

صح لسانك شاعر مبدع وفاله التوفيق

لاهنت يالغالي


وشكرا لك علي مرورك المشرف

__________________