السلام عليكم ورحمة الله وبركاته

أهدي لكم هذه القصيدة مرثية فالشيخ/محمد بن سعد أبوقلوب المسردي رحمه الله


لأستماع القصيدة:
اضغط هنا لتحميل الملف



لقراءة القصيدة:
[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياليتني مرتاح من بعض الأخبار=اللي تجي فجئه ودايم مهيلة
أخبار منها القلب بالحيل منهار=وضاقت علي مابين يومً وليلة
مثل خبر ليل الأحد بين الأقطار=فجيعتن كبدي عليها عليلة
وجسمي وقع فالأرض رهبه ومحتار=,اقول هذا كذب مابغى دليلة
ومسكت خط خريص وأسرع مع القار=ماهمني زحمات ناسً هبيلة
ووقفت قدم البيت وأشوف زوار=وأقول ويش العلم يأهل الأصيلة
قالوا توفى والخبر سرَ واجهار=لا والله الا صدق مافيه حيلة
من قبل مده خاسر الضلع سنجار=واليوم راح النير وأرضي مسيلة
مرحوم ياشيخً من أطوال الأشبار=شيخً شهر صيته ومثل قبيلة
أبو قلوب مكرم الضيف والجار=محمد اللي ما يعوضه بديلة
خسايره للضيف في بنَ وابهار=ما تنحصى يا ناس بأية وسيلة
له شور بين كا ماضاعت أشوار=وله وقفتً تذكر ليالً طويلة
وله خوتً بانت مع أطوال الأعمار=آل سعود أهل السيوف الصقيلة
فأناء أشهد أنه سيف والسيف بتار=يكرم من علوم الردى والفشيلة
هو عمي وخالي وهو عز واشعار=وهو الجزيل اللي علومه جزيلة
وهوه وسيع الصدر ماهو بمكار=وهو النبيل اللي فعوله نبيلة
وهو الدرع فالوقت والوقت غدار=وهو المعيل اللي يرد المعيلة
الله وأكبر كيف روغات الأقدار=ما تأخذ الأ أهل الوفاء والفضيلة
والشكر ياربي على كل ما صار=صحيح روح غير ورث سليلة
سعد وعبدالله بعيدين الأنضار=وشجاع وعلي نفس الفعل والفصيلة
ويالله ياللي بأمرك الكون دوار=ياللي عباده دايمن تلتجيلة
نغفر ذنوبه يالأهي يا غفار=وتوٌسع علية القبر تحت النثيلة
وتنشي على قبره من المزن سبار=يا واحداً بأمره تهل المخيلة
وتدخله فالفردوس من ضمن الأبرار=يامن عباده كلها تنحنيلة[/poem]

أخوكم الشاعر/فالح بن هادي المسردي

__________________

ارررحب يابو هادي تراحيب الحيا ..

وصح الله السانك يا القرم مدد بلا عدد ..

الله يجعل البقا في روسكم ..

الله يرحم ابو قلوب ويعوضه الجنه ويغفرله ..

قصيده مؤثره ومحزنه يا القرم ..

تقبل مروري نفداك ..

صح لسانك

__________________

صح الله لسانك يالغالي

ورحم الله المتوفي

لك خالص شكري

دمت بخير

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

فلاح ال ركان

أبو صقر

نايف بن جليد

صح ابدانكم

وتقبل الله دعائكم

ويشرفني مروركم

تقبلوا تحياتي

__________________

لا هنت ياابو هادي وبيض الله وجهك ورحم الله ابو سعد

__________________