الــهواجــيس

[poem=font="Simplified Arabic,7,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أنا ليا كثرت علي الهواجيس=وضاقت بي الدنيا وصارت مراره
وأصبحت أقيس هموم بقعا ولا قيس=وقامت تقادح مثل قدح الشراره
أستغفر الله وأذكره وألعن أبليس=وأعوذ بالله من حياة الخساره
أسوق رجلي في دروب النواميس=وأسعى لخوة عاشقين الصداره
أبدي وأجر الصوت بأعلى المراويس=لعل كبت الضيق يعكس مساره
في مرقب(ن) عالي تهبه نسانيس=والغيم باللي فيه جاك إنحداره
والبن يحمس في بطون المحاميس=يحط في الدله وأكثر بهاره
في ليلة(ن) قمرا ولابه فوانيس=الجو صافي ما تثور غباره
ينزاح همي مع شبيه القرانيس=وأبعد من أزعاج البلد والحضاره
وأصد عن راع العلوم المفاليس=اللي يروج الحكي فن وشطاره
يضحك لي بنيه وراها كواليس=وأنا فطين له وعارف شعاره
لكن ياللي غرك الوقت يالهيس=تلومني ما بين تاره وتاره
وأنا مدرسني الزمن خير تدريس=إلين صرت الحين ماسك الإداره
ولعل همي يبتعد والهواجيس=وأبعد من الضيقه وزود المراره[/poem]

جازع مهدي آل سفران

__________________

ارررررحب يابو مهدي ..

حيه وحي ماجاب ..

جزل وستمتعت بنصك الجزل ..

صح الله السانك مدد بلا عدد يا الذيب ..

سجل متاااااااااااابع ..

تقبل مروري يا القرم ..

الاخ جازع

قصيدة في غاية الجمال

جزله والجزله ما يجيبها الا جزل

دمت شعرآ

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

ارررررررررررررررحب يابو مهدي

وأنا مدرسني الزمن خيـر تدريـس
إلين صرت الحيـن ماسـك الإداره
ولعـل همـي يبتعـد والهواجيـس
وأبعد من الضيقـه وزود المـراره


الله الله صح لسانك وعلى شانك وعلى الثانيه عانك

مبدع مميز رائع في وصفك وفي شاعريتك وفي انتقائك للكلامات الجميله

لك مني أجمل تحيه

__________________

صح لسانك يابو مهدي قصيدة في غايةالجمال

تقبل

__________________
[

أرحب ياجازع

صح لسانك على هذه القصيدة وبيض الله وجهك

أستغفر الله وأذكره وألعـن أبليـس
-------وأعـوذ بالله مـن حيـاة الخسـاره
أسوق رجلي في دروب النواميـس
-------وأسعى لخـوة عاشقيـن الصـداره

صح لسانك سجل عجابي

تقبل تحياتي وجل تقديري

__________________

__________________

الله يبقيك ويحيك
يابوصقر
وجعلك تسلم يالقرم وعلى فكره ردودك ودعمك
المتواصل تشكر عليه والله يبيض وجهك وانت راعي جمايل ودايم نتعبك
مشكور على كل حال ولاهنت وتقبل تحياتي

__________________