هذا كلام اللي جرا له غرابيل =عزيز نفس وذاق طعم الغبينه

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الله على الدنيا تلهي الرجاجيل=وتقطع حبال الوصل لو هي متينه
في برها همنا سواة المهابيل=ولا تنبه كون نفس ن فطينه
وانا يابن عدوه جرالي بهاذيل=بعت الحلال وصارت النفس شينه
جفيت ربعي والرجال المشاكيل=وما كني الا عود يردف ونينه
ما غير في بيتي وعند المعاميل =وان دق لي جوال مسمع رنينه
حسبي على ذا الوقت ميل ن بعد ميل =بيشيب راسك ما بعد شفت زينه
هذا كلام اللي جرا له غرابيل =عزيز نفس وذاق طعم الغبينه[/poem]

__________________

هذا كلام اللـي جـرا لـه غرابيـل عزيز نفـس وذاق طعـم الغبينـه

صح لسانك وبيض الله وجهك والله يعطيك العافيه

تحياتي0000000اخوك

صح بدنك ووجهك ابيض ولا هنت على المرور

__________________

صح لسانك ياالجروي ولاهنت.

لكن سؤال إذا ماعليك أمر ويش بحر القصيدة؟

صح بدنك اما من طرف بحر القصيده فانا رجال اكتب قصايدي على اي لحن يعجبني ولا ادري اللحن ذا لاي بحر
وان كان لك ملاحضات على القصيده قلها

__________________

قصيدة وافيةوأعجبتني لكن بغيت أعرف البحر لاغير.

السلام عليكم ورحمة الله وبركاته

صح لسانك يا ابو ابراهيم

واسمحولي على المداخله بالنسبه يا ابو مسفر لبحر القصيده

فهي على ( المسحوب ) وهو اكثر البحور استخدام في الوقت الحالي

تقبلوا خالص تحياتي

اخوك

صح بدنك يا ابو ناصر وشكرا على المعلومه ولا تقاطعنا

__________________

افادك ابو ناصر عن بحر ىالقصيده والله لا يهينك على المرور

__________________

جفيت ربعـي والرجـال المشاكيـل وما كني الا عـود يـردف ونينـه
هذا كلام اللـي جـرا لـه غرابيـل عزيز نفـس وذاق طعـم الغبينـه

انشهد بالله صح كلامك

صــــح لـــــســــــانـــــــــك