قال الشاعر ..


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يـانـاس يـالـي تعشـقـون المـشـاويـر=نصيحتي جيب(ن) جديد(ن) خدومـي

مـن دولــة اليـابـان جــاء بالتقـاريـر= وتقرير مـن عنـدي يضـد الخصومـي

وارد مـــن الـيـابـان عـــداد تصـفـيـر= اصـفــار تــــوه مــابــدا بـالـرقـومـي

موديـل عشره بـعـد الالفـيـن تصـديـر= قـرن الـغـزال الـلـي علـيـه العلـومـي

فــل(ن) مكـمـل كـامـل الـفـل تطـويـر= اللـون بحـري مــن يشـوفـه يقـومـي

يعطـيـه مــن قـلـبـه تـحـيـه وتـقـديـر= مـن زود حبـه لـو يصيـر امحـرومـي

فـي اكـس ار اثنـيـن مـنـوة جماهـيـر= والله والله مــايــجـــي بـالـحـلــومــي

اجنـوط المينيـوم ســوات القصـاديـر= وطــارة هــوا هيدروليكـيـه تحـومـي

وهـزاز دفرنس(ن)يـقـص المسامـيـر= مـن قوتـه وقــت المـواقـف جـزومـي

والكاميـرا بالخـلـف زيـنـه وتصـويـر= وكاشف ضبـاب ايزيـل كـل الغيومـي

مصبـاح امامـي نـوع زينـون تدمـيـر= كم شخص من نوره يصير امهزومي

وفرامل (اي بي سي )وقت المحاديـر= تفتـح وتقـفـل عـنـد وقــت اللـزومـي

ياسعـد عيـن اللـي نـوى تـلـة القـيـر= مـن فـزتـه تـقـول قــرم(ن) عـزومـي

مايـاخـذه غـيــر الـرجــال الهـوامـيـر= الـلـي تبـيـع وتـشـتـري فالسـهـومـي

يازيـن سجـه والصحـاري مخاضـيـر= والجـو روعــه والسحـايـب ردومــي

والقـوس بـادي سبعـة الـوان تبشيـر=ابـشـارة(ن) تـزيــل كـــل الهـمـومـي

وطاح الربيع وجـاك وقـت المظاهيـر= والجيب مثل الذيـب وسـط الحزومـي

وياماحـلا المجـلاس حـول المباهـيـر= والكيـف بـن وهيـل شـرب القـرومـي

والـنــار شـبــت لـرجــال المـنـاعـيـر= تقدح شرار(ن) مثـل رمـي النجومـي

والقلـب صافـي مايجـي فـيـه تكـديـر= ومـن الفـرح خطيـر شــق الهـدومـي

اقــولــهــا والله ولــــــي الـتـدابــيــر= والـرزق مـن عنـده مــوزع قسـومـي

ارزاق مـن عنـده تـجـي دون توفـيـر= مـثـل الجـبـال العـالـيـات الـرجـومـي

ياجامـع اموالـك علـى غـيـر تبصـيـر= لاتحسـب انــك فــي حيـاتـك تـدومـي

اسـمـع كــلام الـلـي يـقـول التعـابـيـر= وادع الـولــي لـعــل حـظــه يـقـومـي [/poem]



وسلامتكم