الغالبيه متوهق بقروض واقساط وبلاوي ما يعلمها الا الله
وهالاسهم كلت الاخضر واليابس واللي ما نبت للحين
اليوم بتكلم عن البطاقه اللي تاكل راتبك ومبلغها تافه وقسطها عالي <= وخسيسه وقليله ادب
بطاقه ائتمان أو كريدت كارد او فيزا او ماستر كارد او اميركان اكسبريس .. كللها اسماء لنفس البطاقه


هذا الكلام موجه لكل شخص يفكر ياخذ هالبطاقه أو عنده هالبطاقه
بحكم عملي السابق في احدى هذه الشركات ... فأنا ابغى ابري ذمتي وابين لكل شخص وش هي هالبطاقه اللي يتعامل معاه
وكل شخص يصل له هالايميل بيكون عرف اش هو يتعامل معاه وهو وذمته!!

اولا : طريقه عمل البطاقه :-

يعطيك البنك بطاقه يكون فيها مبلغ من البنك .. مثلا 10 الف او اكثر ... ويسمح لك تستخدمه براحتك وتشتري فيه
اخر الشهر البنك يرسل لك الفاتوره او الكشف .. فيه كل المبالغ اللي انت استخدمتها.. ويطلب منك تسدد 5% بس!!
طيب وش مستفيد البنك ؟ يسلفك علشان سواد عيوونك ؟؟
لا يقول لك بياخذ عليك فوائد 2 – 2.5 % على المبلغ اللي انت استهلكته
طبعا علشان تكون في الصوره الفوائد ربا صريح !! والكل يعرف حكم آكل الرب

ثانيا :ضرر البطاقه:-

البطاقه ما احد يختلف عن حكمها دينيا !! علشان كذا ببين اضراارها الماديه
انت لما تدفع .2.5% بالشهر .. معناته انك تدفع30% سنويا !!
طبعا بالفوائد المركبه تكون تدفع اكثر لأنهم يسمحون لك تستخدم اللي انت سددته
طيب متى بخلص مسددهم وانتهي ؟؟
الجواب ما راح تخلص.. لأنك تسدد 5% وياخذون منها2.5% فوائد لهم !!
انت تسدد 500وهم ياخذون 250 فوائد لهم !!
وال250 اللي سددتها تستخدمها مره ثانيه
يعني اخر السنه تكون دفعت 3 الاف هديه لهم علشان يسلفونك 10الاف
وتكون ايضا اتخلصت من قسط شهري يشاركك براتبك
طبعا ضربت المثال على مبلغ بسيط 10 الاف ... مع ان فيه بطاقات كثير تتعدى هالمبلغ
على فكره ترا في رسوم ثانيه ما تكلمت عنها اللي هي اذا اتعديت الحد او اذا ما سددت شهر او اذا سحبت منها كاش

ثالثا : انت متوهق بالبطاقه الحين.. كيف تتخلص منها :-

اول خطوه تجيب مقص !! وتقطع البطاقه!!لأنك كذا تكون وقفت الاستهلاك
ثانيا تجمع كل الكاش اللي حولك وتقتر على نفسك هذا الشهر ولو تقدر اتسلف من اقاربك وسدد اكبر مبلغ تقدر عليه
هذا تصرف تسويه هالاسبوع .. قبل تنزل عليك فوائد
يعني لو عليها
10 الاف وقدرت تجمع 5 او 6الاف ... راح تكون قدرت تتخلص من جزء كبير من المشكله
واول ما ينزل راتبك الشهر اللي بعده .. تحاول تدفع كل اللي ما تحتاجه ضرووري فيها ...
ولو قدرت تسدد كل المبلغ الباقي يكون بركه ..او تسدد 2500 هالشهر ...
وتكمل 2500 مع الفوائد الشهر اللي بعده
التزم بالخطه وتكون تخلصت منها في 3 شهور !!
وبكذا تكون تخلصت من البطاقه نهائي
طيب لو بطاقتك عليها 20 او 30 الف ؟؟ ولا تقدر تدفعها كللها ؟
الحل انك تاخذ قرض عادي من البنك مدته سنتين بس ..ولو عندك قرض من اول حاول تجدده وتسدد البطاقه
مع اني ما انصح بتجديد القروض .. بس البطاقه ضررها اكبر بكثيييير
على فكره
القرض على سنتين فوائده 4% سنويا تقريبا مقارنه بالبطاقه اللي تاخذ 30% سنوي
وطبعا اذا خلصت البطاقه روح البنك والغيها وخذ ورقه مخالصه

وبكذا تكون ريحت بالك ووفرت فلوسك ..ال3 الاف اللي تدفعها فوائد روح مشي بها عيالك ..
وديهم للطايف خللهم ياكلون برشومي ويرجعون
ولا اشتري فيها شي لنفسك .. اتدلع ب3 الاف سنوي
اشتر هديه لأم العيال

رابعا : البطاقه ما استغني عنها.. تفك لي زنقات اخر الشهر :-

طيب يالغالي .. انت لما تخلص البطاقه وترتب امورك .. حط لك 5 الاف في حساب منفصل
سميه "توهيقه اخر الشهر”
واذا مررررره انزنقت اخر الشهر لو اسحب منه شوي ..واذا نزل الراتب علطول روح سدده كأنه بطاقه ورجعه 5الاف
او سدد 5% منه عالاقل
طبعا الاقساط بتكون اقل لأنك اذا سددت 5%راح تحسب لك كللها دفعه ما راح ياخذوا منها 2.5%

ختاما: اذ انت تحتاج البطاقه للسفر او للشراء من الانترنت :-

طلع لك بطاقه فيزا وخلي حدها مثلا 3الاف
واذا بغيت تسافر سدد فيها قبل السفر المبلغ اللي تبي تصرفه
وروح هناك واستخدم على كيفك
وكل هذا بدووون فوائد ولا هلله
ولو استخدمت شي من فلوسهم سددها اول ما تصدر الفاتوره او الكشف.. ولا ياخذون عليك فوائد ولا هلله !!

في الختام
ارجوا منكم صادق الدعاء
واتمنى منكم التفكير بالموضوع بمنتهى الجديه
من وصلت له هالرسال فقد وصله البلاغ
اللهم هل بلغت
اللهم فاشهد


اخوكم / ابو يزن منقول من اخوكم / ابن مشبب

ابو يزن السلام عليكم

البطاقات بلوه ... وتزيين لك الصرف والتبذير بدون حدود

ومشاكلها كثيرة وفي جميع اصقاع الارض

ولكنها كذلك ضرورة في وقتنا الحاضر حيث التعامل الالكتروني

فالتسوق بها وشراء انواع التذاكر بها وحجز الفنادق والطيران والتكسي بها ... الخ فهي شر لابد منه

والافضل تحكيم العقل عند استعمالها ...

شكرا لك يابو يزن على التنبيه خصوصا فترة الأجازات والصيف

أشكرك يابو يزن على طرح مثل هذا الموضوع
وأسأل الله العظيم أن يرحم الشايب الي في صورتك الشخصية رحمة الأبرار
رحمك الله تعالى ياابا محمد ...

__________________

ابو يزن لك جزيل الشكر على اهتمامك لكن الدرهم مخراجها صعب عند بعض الرجاجيل ؟
ولكن على العموم موضوع جيد نأمل تثبيته لتعم الفائده

__________________

ابو يزن اشكرك على طرح هذا الموضوع في التوقيت المناسب

الله يغنينا بحلاله

تقبل مروري.....................................,

__________________
بعــــــض البشـــر مـن طـبـعـــه مقـــدر و محشـــــوم

وبعـــــــض البشـــــر عيــب عليـــك احتـــرامــــــــــه


اللـــي ستـــــــر عيبـــه عـن النـاس بهــــــــــــدوم

وش يستــــــــــره لاصــار عيبـــــــه كــلامـــــــــــــــه

وفقك الله يابو يزن

موضوع جاء في الوقت المناسب مع بداية الإجازة وكثرة المصاريف عسى الله يعين الجميع

اسال الله العلي القدير ان يغنينا بحلاله عن حرامه

جزاك الله خير يابو يزن

__________________
[img][/img]

ابو يزن السلام عليكم

على طاري سالفة البطاقات ...

ورد اليوم في الاخبار ان رجل من ولاية تكساس استلم فاتورة بطاقة كرت الفيزا بمطالبة قيمتها

23,148,855,308,184,500 دولار

يعني 27 كودرليون و 148 ترليون و 855 بليون و 308 مليو و 500 دولار فقط .... يعني 2000 ضعف ميزانية امريكا

وبعد ما فحط الرجال اكشف البنك انه كان خطا من الكومبيوتر


http://www.nbcdfw.com/around_town/sh...ill.html?yhp=1

طبعا حن العربان ما نشييك والبنوك طايحين شفط من حساباتنا

لاهنت يا أبو يزن ..

وجزاك الله خير ..