واحد يقص قصته مع ورقة المقاضي(الطلبات من السوق بالسعودية)

ياعااااااااالم قسم راحت حياتي اوراق صغيره . جيوبي مليانه

كل ظهريه وبعد صلاة العشاء.

طيب يامرتي العزيزه فيه شي اسمه دمج

رئاسة تعليم البنات بكبرها دمجوها

ما تمدجين انتي ورقة مقاضي الظهر مع ورقة مقاضي الليل ونفتك من هالقلق اليومي

المشكله وشي . المشكله اني اقرا طلبات مالها داعي بس مجبور اجيبها

دراق / طماط/ بقسماط/ برغل / واخرتها مانلقا على السفره الا كبسه

وان سوينا نفوسنا كنديين حطينا فجل

طيب هالبقسماط والصولجان وبقية الاسامي الصعبه لمين؟؟
طبعاً لخواتك اذا جوا يوم الربوع وانا ياغافل لك الله

طقني الجوع مع ابوشايع وابوعبدالله وان سوينا فيها كااااااش

ارسلنا حنيف يجيب بروستد وتهاوشنا على الثوم

والمدام مع خواتها يتنعمون من خيري ومن تعبي ومطامري في البقاله مع ورقة المقاضي



مره سويت فيها ذكي وبعد ماقضيت لمرتي يوم الربوع قلت بروح للشباب

واطب على المدام بدري واحصل خواتها عندها وتوهم حاطين العشاء


كااااارثه .. اخيرا شفت ورقة المقاضي صدق

لقيتهم حاطين سفره بدايتها في المقلط ونهايتها عند ساكو اللي ورا حلبان

الى درجة انهن حاطين سيكل جنب السفره

علشان اذا وحده بغت صحن من طرف السفره يمديها تجيبه

والقا لوحه مكتوب عليها ) السلطه 60 كلم (

المشكله ان مرتي تعاملني على اني ابلة تدبير وعندي خبره

وانا والله ما افرق بين الملوخيه والكزبره

تقوم تكتب لي مره في الورقه كيلو كنافه كذابه

قسم تروعت وش ذا الكنافه الكذابه , انا اعرف الصادقه يوم اعرف الكذابه ??

واروح البقاله ما لقيتها اتصلت بصديق قال رح لمحل حلويات

واروح وانسى اسمها واقول لراعي المحل عطني كنافه نصابه

ناظرني بأحتقار وعطاني اشكل بدل مايعطيني كنافه

في الاخير رحت عنده وقلت يا اخي

معليش انا نسيت اسمها بس انها كنافه ما هيب مضبوطه

يعني كنافه كافره وبتروح النار

ضحك قال قصدك كنافه كذابه

قلت ايييييييييه هذي بنت الكلب ابي منها كيلو

زحمه وكنافه كذابه واخرتها قطعة خبز لاعبين علينا وحاطين عليها شيره


وكله كوم ويوم خذت اختي في المدرسه طريقة عمل المكرونه بالبشاميل

سرى يومنا ما غير ناكلها الى درجة ان ابوي اضافها في دفتر العايله

لانها صارت جزء من العايله ووحده مننا


الله يحفظ الوالده . ورقة المقاضي حقتها ماتتغير علشان كذا ما نرميها

انا حاطها في المفضله لانها هي نفس الطلبات كل يوم

بصل/ طماط/ رز/دجاج/خبز

واذا بغت تسوي نفسها كيوت استبدلت البصل بثوم

واذا ملينا وبغت تجدد فيها حطت الرز قبل البصل والخبز قبل الطماط

والله اني عشت عمري كله وانا نفسي اكل شي جديد وخاصةً ذا اللي يسمونه ( اومليت )

الى درجة اني سكنت في فندق مره علشان لقيت في القائمة اومليت مادريت انه بيض !!!



المشكله ماعندهم رحمه

درجة الحراره في عز الصيف ألف وانت تطامر من محل الى محل

وبمعية سموك ورقة المقاضي لو تجيب العثيم كله وتنسى شي بسيط قامت القيامه

ولازم ترجع وانت اصلاً شرير ولاعمرنا شفنا منك شي يابخيييييييييييل

ويا عيني على استخدام التقنيه

ورقة المقاضي صارت من العصر الحجري

الحين تجيك المقاضي مسج على الجوال

والله اني ابغا اصيح اذا قريت رسايل جوالي ورسايل جوال اخوياي العزوبيه

كل رسايلهم

(عندما تشرق شمس يوم جديد اذكرك .(
) كفاني ان جنح الليل يغشاني ويغشاك . ( وانا تعال شف رسايلي

) حليب سريلاك .. ) ( ارجع بدري نبي مويه (

) وانت جاي جب اعواد اسنا ن (

اعواد اسنان في نص الليل الله من الاعذار بس



وما قطع قلبي ونكد علي حياتي الا اذا طلبوا تسالي

تجيب برنقلز قالوا نبي جحا

تجيب بنكهة الكاتشب قالوا نبي بالخل والليمون

تجيب رقاق الورده قالوا نبي رقاق غوار

تجيب صلصه قالوا نبي ماجي

بس خل عنك والله صار عندي خبره

وانا والله من اول كنت احسب البندوره هي البطاطس



مناسبة هالموضوع اني رحت اليوم بعد صلاة الجمعه ومعي كالعاده

رفيقة دربي ورقة المقاضي طولها حوالي 7.12 متر

ويوم دخلت العثيم والقا زحمه وانا اللي تصعب علي نفسي

واتمرد واشق ورقة المقاضي

وارسل للمدام رساله اقولها اني تمردت وقطعت الورقه

جزاها الله خير تفهمت الموضوع بشكل حضاري

وهذا انا اكتب لكم الموضوع من مقهى

ودمتم سالمين

__________________




[frame="7 80"]

إذا شئت أن تحيا سليما من الأذى
و حظك موفور و عرضك صين

لسانك لاتذكر به عورة امرئ
فكلك عورات و للناس ألسن

وعينك إن أبدت إليك مساوئ
فصنها وقل يا عين للناس أعين

و عاشر بمعروف وسامح من اعتدى
و فارق و لكن بالتي هي أحسن

[/frame]

الله الله ياعيني على الخبرة نبغى عندك دورة تكفى يالذيب

خهخهخههه

نفس الحال

قد فقعت قلبي

خبز ولبن وحليب وزبادي وطحينية وبطاط وطمام أو و و و

بس إذا هي من أم العيال

أما لا جات من أمي فوالله على قلبي مثل العسل

__________________

ابو احمد احيانا تدق عليك في وقت محرج ... واحيانا يكون ما حولك ورقة تسجل .. تضطر تكتب على القروش ..

هههههههههههههههه

فعلاً معاناة ..

ههههههههههههههههههههه

وانا اقول الزواج زين

لكن بعد هذي التجارب تحطمت الصراحه

يازين العزوبيه

__________________

اما دورات تدور الراس ياصالح القحطاني


هههههههههههههههههه

__________________




[frame="7 80"]

إذا شئت أن تحيا سليما من الأذى
و حظك موفور و عرضك صين

لسانك لاتذكر به عورة امرئ
فكلك عورات و للناس ألسن

وعينك إن أبدت إليك مساوئ
فصنها وقل يا عين للناس أعين

و عاشر بمعروف وسامح من اعتدى
و فارق و لكن بالتي هي أحسن

[/frame]

فرق كبير بين امي الله يحفظها

وام العيال

ربي خلق وفرق

__________________




[frame="7 80"]

إذا شئت أن تحيا سليما من الأذى
و حظك موفور و عرضك صين

لسانك لاتذكر به عورة امرئ
فكلك عورات و للناس ألسن

وعينك إن أبدت إليك مساوئ
فصنها وقل يا عين للناس أعين

و عاشر بمعروف وسامح من اعتدى
و فارق و لكن بالتي هي أحسن

[/frame]

آآآآآآة ياماجد آآآآآآآآآآة

ياليتها كل مابغت تدق تطلب مقاضي يكون رصيدها بالاتصالات مصفر

علشان نفتك من طلباتها لو شوي

ههههههههههههههه

__________________




[frame="7 80"]

إذا شئت أن تحيا سليما من الأذى
و حظك موفور و عرضك صين

لسانك لاتذكر به عورة امرئ
فكلك عورات و للناس ألسن

وعينك إن أبدت إليك مساوئ
فصنها وقل يا عين للناس أعين

و عاشر بمعروف وسامح من اعتدى
و فارق و لكن بالتي هي أحسن

[/frame]

هههههههههههههههههههههههههههههههه


والله شكله مقهور من كثر الطلبات


بس والله اسلوبه جميل


عاد والله بعض الحريم لاتعرف تطلب

ولا متى تطلب


ولابتشوف اللي تقضيته


ذكرتوني انا جايب فول وأناناس وماشفتها ...ولها اسبوع



هههههههههههههههههههههههههههههه


يسعدك ربي اخوي الغالي ابو احمد الرشيدي

هلا وغلا بطلتك الجميله


والله اطرب لحضورك يالغالي


لاعدمناك

__________________



اللهم أرحم والدتي ..وأجعل قبرها روضه من رياض الجنه..واسكنها جناتك