فلاح القرقاح ورشيد الزلامي&&والجزيه الجزيه ترى ما هي بحبـة حبحبـه

رشــــيــــد الــــزلامـــــي
خلو لي القرقاح بن ريفة نبي نمـزح عليـه&&& المزح مع قحطان يطربني واحبـه وارغبـه
الله يعودك يا الزمان اللي يجوز المـزح فيـه &&&ما هو بيرفع جوخه الفارس ليا فـرع ركبـه

فــــــــلاح الـــقـــرقـــاح
قام الزلامي من حمـاس الله يرحـم والديـه &&&والشايب اليـا قـام غيرنـا نظـام الملعبـه
ذكرتني يوم الشجاع يشال رزقه مـن يديـه &&&والوقـت الأول راح لكـن المراجـل متعبـه

رشــــيــــد الــــزلامـــــي
يا ذا الكلام اللـي يبيعونـه وحنـا نشتريـه &&&بعض الاوادم لو عطوها السم يمكن يشربـه
ياللي تلد لنجد ما فـي نجـد شـي تشتريـه &&&ما غير عتبان ٍ تدوس الداب راسـه وذنبـه

فــــــــلاح الـــقـــرقـــاح
حنا نعد الحق يا عتيبـه مثـل عـد الجنيـه &&&وأنتم شعاعير وتقولون أعذب الشعر أكذبـه
بالله كم كيلو متر من دون بيتـك لـو تبيـه&&& نجد العذي أصبح على عتيبه وقحطان عربـه

رشــــيــــد الــــزلامـــــي
والله ما فيكم قصـور الله يبـى مـن يتقيـه&&& لكن عاندتو عتيبـه والسبـب مـن سببـه
جنى عليك الشايب اللي يعتزي بامـه وابيـه&&& اللي يحاول ياخذ الدنيـا علـى راس شنبـه

فــــــــلاح الـــقـــرقـــاح
اسبابها زود الشجاعـة والمحنـك والسفيـه&&& يدري إن عيال العود توعد و تحضر مير أنتبه
با لله فيه إنصاف يا زلامي هنا ولا مـا فيـه&&& سبحان ربن ٍ طوع اهل رهاط عند اهل تربـه

رشــــيــــد الــــزلامـــــي
لا والله الا يا عيال العـود بيضـان الوجيـه&&& بعد قلعنا رمسكـم مـا فيـه شـيء نطلبـه
أنته تخاطب لك عتيبي مـا يقولـه يحتميـه&&& نزل من الحره ونزل عودكـم مـن منصبـه

فــــــــلاح الـــقـــرقـــاح
بسبابنا كم واحد وقـف هنـا ينعـى ذويـه &&&والجزيه الجزيه ترى ما هي بحبـة حبحبـه
سيف ابن هادي كان في هالارض ذخر نقتنيه&&& عد رقبـه وآعـد يازلامـي ثلاثيـن رقبـه

رشــــيــــد الــــزلامـــــي
الوقت مقبل لك بخيـر كـان تقـدر تحتريـه&&& وانته تحسب اللي لنا واللي لكم ما تحسبـه
والله لو إن الامر يسمح ما تررد هيـه هيـه &&&لا روح انا وياك في اقصى ديرتك قش صلبه

فــــــــلاح الـــقـــرقـــاح
الكذب خله يـا الزلامـي للجزيـره والفقيـه&&& ولا ترى التاريخ كتبـه كلهـا فـي المكتبـه

__________________

بيض الله وجهك يا ابو سلطان

اررررررررحب يا بو سلطان

وهذي المحاورة شرسة وقوية كما هي عادة الشاعرين العلمين إذا اجتمعا

وارى ان ابو محمد ابدع في تلك الليلة وكان رادعا للزلامي بقوووة

لك تقديري

مشكور يابو سلطان لاهنت ولاهان فلاح وعوايدكم الطيب
تقبل مروري

بيض الله وجهك ووجهه فلاح على الصدق والثقه

تحياتي000000اخوك

بيض الله وجهك يابوسلطان

تحياتي،،، وتستاهل سمعه يالذيب

__________________
[poem font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يلي تسمع كلام فلان وتموه = وتلد بالعين يوم يدق جوالي

ماني بصافي مع الي ماصفاجوه = حتى لوانه رفيق الدرب والغالي


الشاعر/مشخص الفهري[/poem]

ارررررحبوا

والله يبيض وجيهكم

لاهنتوا على المرور

__________________

ارحب يابو سلظان

ويعطيك العافية على المحاورة الرائعة بين العلمين القرقاح والزلامي

وتقبل ودي

__________________


http://www.qahtaan.com/works/up/get....fmnp1261962149

اررررررحب ياشامان

لاهنت أخوي شامان على المرور

__________________