هنا عبدالواحد
حيث التفرد
والعبقرية....
اترك لكم الاستمتاع بالقصيدة ..بدون مقدمات





[poem=font="Simplified Arabic,6,black,bold,normal" bkcolor="transparent" bkimage="backgrounds/14.gif" border="solid,thick,skyblue" type=3 line=0 align=center use=ex num="0,black"]
ليلة وداع التاسعة والثلاثين=
طبل ومزامير ونواقيس واجراس=
عمر(ن) نهب بيسار مااعطاك بيمين=
لايحرم الضامي ولايملي الكاس=
سجين وين آنا وحريتي وين=
وآشوف وضع الناس وآقول لاباس=
الناس في الدنيا مجرد مساجين=
الدهر عيّنهم على بعض حراس=
كم يفسد الزيتون مايصلح التين=
وكم شجرة(ن) يصنع من اغضانها فاس=
صبح الثلاثاء ينتهي عرس الاثنين=
ياكم وكم روس(ن) بالاقدام تنداس=
تأخذ رحاة الوقت من حين لاحين=
وقفة دقيقة تلتقط فيها الانفاس=
تعبث ملائكة الرضا بالشياطين=
وتقضي الطمانينة على كل وسواس=
وآقوم اسوي لي من الشعر بيتين=
وافرد لها من فهرس الروح قرطاس=
آضمّد بحرفي جروح المحازين=
واقفل قلق وافتح بها باب هوجاس=
تغنيك عن بعض السيوف السكاكين=
وتغنيك عن بعض السكاكين الأمواس=
الا فلو فجّرت شعري براكين=
ما اترك جبل واحد يوقّف على ساس=
اوقف بعض الاحيان مكتوف الايدين=
واغبط واهنّي كل متبلّد احساس=
واسمع من اصحابي على الرأس والعين=
واخطر بقاع العالم العين والراس=
ياكم فقير(ن) في رصيده ملايين=
وآنا غني وآنا على وشك الافلاس=
زيف الحقايق واختلاف الموازين=
خلاني اغضب واضرب اخماس باسداس=
آنا ادي ان الله خلقني من الطين=
لكن بعض الطين ياقوت والماس=
لو كنت لاقي للحقايق براهين=
كان اخترعت لراحة البال مقياس=
واللي موصلني لذا الحال ثنتين=
كذبي على نفسي وصدقي مع الناس=
عبدالواحد سعود الزهراني=[/poem]

اشهد انه شاعر راعي هالابيات جزله جزله جزله صح لسانه ولاهنت

ولاتهون يالغالي
شكرا على كرم المرور
وجميل التعليق
تحياتي لك

السلام عليكم

ارررررررررررحب يا ابو سعود

وكل عام وانت بخير يا الذيب
وين الغيبه عسى مابه خلاف ان شاء الله

بصراحه افتقدناك ومواضيعك ونوادرك يا كحيلان



وبالنسبه للشاعر فأنت تتكلم عن هرم من اهرام الشعر ونوابغه

وشهادتي في عبدالواحد مجروحه

وهو من اعمدة شعراء العرضه اللي يعجز شعراء القلطه عن مجاراتهم في هذا اللون

ويكفي لعبدالواحد اننا حفظنا قصيدة خط الجنوب قبل ان نعرفه ونشاعده على التلفزيون وله الكثير غيرها من النافوره والجوال و؟؟؟؟ وكثير يا شاعر زهران ...

وهذي القصيده وافيه وناقلها وافي وسلمت يمينك وجعلها للشحم .


ولا تقاطعنا مع اخوانك


وتقبل مرور اخوك

سعيد البشري القحطاني

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

يعطيك العافية يا ابو سعود على نقل هذه القصيدة


وصح لسان الشاعر عبدالواحد عزالله انه شاعر فحل

تقبل مروري يالغالي

__________________

وعليكم السلام ورحمة الله وبركاته
الله يحييك اخي سعد وكل عام ونت طيب يالغالي
واعذرني والله اني مقصر اشد التقصير معك ومع باقي الاخوة في هذا المجلس المبارك لقبيلة قحطان العريقة وانتم تستاهلون كل خير ولكن اخوك احيانا يكون ماعنده شي يقدمه ....ومشاغل الدنيا حتى الوهمية منها الهتنا كثير
ولكن اوعدك ان شاء الله اتواجد واعطيكم الجديد بحول الله وقوته
شاكر لك يالقرم ماقلت والله يقدرني على رضاك ..
مغليكـ

يعافيك اخي الغالي العابسي
تسلم على جميل الحضور والقول
ولاهنت على كل حال
اخوكـ