السلام عليكم ورحمة الله وبركاته

بسم الله نبدأ…

دائماً نواجه مشكلة الكذب من بايع او من زميل او من اي شخص لكن نقدر نحدد نسبه تقريبيه لصدقه من كذبه

لكن المشكله لما تكون في عالم ما تقدر تحدد له نسبة صدق من كذب، خصوصاً في العالم العربي (اقصد عالم الانترنت العربي)

يعني حنا إلى الآن ما استوعبنا ان الانترنت صار جزء من الحياه، جزء من الدوله، جزء من البيئه اللي حنا عايشين فيها

انا يحرني لما ادخل على كثير من المواقع العربيه وألقى إعلانات و"بنرات" غريبه عجيبه

شي مكتوب عليها "الموقع الذي حيّر فلان ابن فلان"
واللي مكتوب "انتبه انت مراقب".....وين عايشين حنا؟
واللي مكتوب "ممنوع الدخول".......هذي من جد الي كاتبها ساذج
والي مكتوب عليها "فضائح لا تفوووتك"-------يعني هذا مسوي إشهار للموقع بس بأسلوب يتناسب مع عقليته هو بس، والمشكله ان بعض اصحاب المواقع ما يعرف ان الناس الي يسجلون في منتداه هم من نفس ذيك العقليه

ولا الموضوع كله بس عشان زيادة العدّاد (counter)

العالم يبغى يتطور ويتقدم وحنا الي مأخرينه
منظمات قايمه قاعده على الشغلات هذي
و انواع البحوث والمشاريع عشان يحسنون الانترنت و يخلونه شي من ذات الدوله والناس
الي اعرفه موجود إلى الآن هي منظمة
ICRA
(formerly the Internet Content Rating Association)
تهتم بتقييم محتويات المواقع من جهة مستوى اللغه والعنف والجنس والتعري
حتى ان المتصفح يسمح لك بحجب المواقع اللي مستوى النعف فيها اكثر من 2 مثلاً
لكن المشكله ان مهب كل المواقع مُقيمه من هذي المنظمه، وهذي بحد ذاتها مشكله بعد.

وهذي المشاريع بس بدايه للتطور الي ما راح نعيشه إلا إذا كنا مجبورين عليه

يا ليت الدول هي الي تجبر اصحاب السيرفرات على هذا الشي.

من الاشياء المهمه هي "المصداقيه" الي كثير من المواقع العربيه يفتقدها

يعني صار الموضوع ان الي يبي يكذب يروح للنت؟

طيب والحل؟
حنا متى بنتعلم؟
متى نعرف نستخدم اي شي زي الناس؟

طيب، نغيّر السؤال

ليه نكذب؟
ليه نحتال؟

ليه ما نكون صادقين؟
يعني ما نقدر؟!!!
ولا ما يرتاح الواحد إلا يكون نصاب شوي


(أعذروني على الاسلوب لكني مقهور) وبصراحه تعبت

يا ليت تعطوني رايكم