[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعل قصرٍ ما يجـي لـه ظلالـي=ينهد من عالـي مبانيـه للسـاس
لا صار ما هو مدهـلٍ للرجالـي=وملجأ لمن هو يشكي الضيم والباس [/poem]
محمد الأحمد السديري
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الأجواد إن قاربتهم مـا تملّهـم=والأنذال إن قاربتها عفت ما بها
الأجواد وإن قالوا حديثٍ وفوبـه=والأنذال منطوق الحكايا كذابهـا
الأجواد صندوقين مسك وعنبـر=ليا فتحت أبوابها جاك مـا بهـا
والأنذال لو غسّلوا ايديهم تنجّست=نجاسة قلوبٍ ما يفيد الدواء بهـا [/poem]
محمد المهادي
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أحدٍ على جـاره بختـري ونـوّار=وأحدٍ على جـاره صفـاةٍ محيفـه
خطو الولد مثل البليهي ليـا ثـار=زودٍ على حمله نقل حمـل أليفـه
وخطو الولد يا مال قصّاف الأعمار=لا نافـعٍ نفسـه ولا منـه خيفـه [/poem]
مقحم النجدي الصقري
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شبعنا وشبع الذّر مـن زاد سورنـا=وللـذّر فـي زاد الكـرام مـعـاش
يعطي العطى من كان ضاريٍ للعطى=ويمنّ العطى من كـان خالـه لاش
ومن لا يعرّب منسبه قبـل منشبـه=تـروح عليـه عيـلانـه بــلاش [/poem]
...........
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عرّب وليدك عرّبه=والنار من مقباسهـا
والعز بوروك النساء=اللي عريبٍ ساسها
بنت الردي لا تأخذه=لو هو طويلٍ رأسها [/poem]
............
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا تأخذ الهزلا على شأن مالها=ولا تقتبس من نارهم بالوقايد
لا تأخذ ألا بنت قومٍ حميـده=لعل ولدٍ منها يجـي بالفوايـد [/poem]
راشد الخلاوي
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أبا أنذر اللي من ربوعي يبا الطيب=لا يأخذ ألا من بيـوت الشجاعـه
يجي ولدها مـذربٍ كنّـه الذيـب=عزٍ لأبوه وكل مـا قـال طاعـه
وبنت الردي يأتي ولدها كما الهيب=غبنٍ لأبـوه وفاشلـه بالجماعـه
يا كبر زوله عند بيت المعازيـب=متحـريٍ متـى يقـدم متـاعـه [/poem]
شالح بن هدلان
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الطيب ما هو بس للضاعنينا=قسّم على كل الوجيه المفاليح [/poem]
بداح العنقري
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما مال ألا فارغٍ من زبرها=ولا حي ألا مقتفيه المماتي [/poem]
سعدون العواجي
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لولا الهرم والفقر والثالث الموت=يا الآدمي بالكون يا عظم شأنك
لولا الثلاث وشأن من قدّر الفوت=نفذّت كل اللـي يقولـه لسانـك [/poem]
محمد الأحمد السديري
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أيامنـا والليالـي كـم نعاتبـهـا=شبنا وشابت وعفنا بعض الأحوالي [/poem]
بديوي الوقداني
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
نعد الليالي والليالي تعدنا=العمر يفنى والليالي بزايد [/poem]
راشد الخلاوي
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شابت لحانـا مـا لحقنـا هوانـا=وعزي لمن شابت لحاهم على ماش [/poem]
مناحي بن معدل السهلي
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وأخير منها ركعتين بالأسحار=لا طاب نوم اللي حياته خساره [/poem]
تركي بن حميد
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا دحيم ريضان الجماعة مريفه=واللي مع الأجناب كنّه على نار
الطير بالجنحان ما أحلا رفيفـه=وليا إنكسر حدا الجناحين ما طار
ويمنى بلا يسرى تراها ضعيفـه=ورجلٍ بلا ربعٍ على الغبن صبّار [/poem]
عبدالله بن سجوان الرويس
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
والله يا لولا العظم يومنـي أمـلاه=أكويه بالجمرة ويكـوي جروحـي
مع دلةٍ صفرا على النار مركـاه=أقصر بصبتها على كيف روحـي
فنجالها يشدي خضـاب الخونـداه=الجادل اللي عند أهلهـا طموحـي
عدّه لمن يثنـي خـلاف المخـلاه=فكاك بالضيقـات راع اللحوحـي
وعدّه لقـرمٍ مـا تونـي مطايـاه=يضوي ولو صكت عليه النبوحـي
وعدّه لمن تدفـق السمـن يمنـاه=عيدٍ لربعه بالزمـان الشحوحـي
وباقي الرجال فحول نسوان ورعاه=ضباط مال وحافظين السروحـي [/poem]
ذعار بن مشاري بن ربيعان
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا شفت خطو الظول بالك تعسّه=وإن فارقك شر المخاليق خلّـه
لو عندنا من غيب الأيام رسّـه=الآدمي مصلـوح نفسـه يدلّـه [/poem]
محمد بن مهلهل بن شعلان
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من صد عني له الطاروق خليته=عيبٍ على البنات الناس يبلاها[/poem]
محمد بن حجي المطيري
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من عافنا عفناه ولو كان غالـي=ومن باعنا بالرخص بعناه بزهود[/poem]
مزنة بنت مكازي
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
برقٍ مصدٍ لو مزونه لهـا نـور=لا تستخيله لـو ربيعـك شفاقـه
من لا استشارك لا تعدّي له الشور=ومن لا يوّدك نور عينـك فراقـه[/poem]
الدقيس الجمّيليّه
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الزول زولـه والحلايـا حلايـاه=والفعل ماهوب فعل واف الخصايل[/poem]
زوجة وديد بن عروج
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا عين هلي صافي الدمع هليه=وليا انتهى صافيه هاتي سريبه
اللي يبينا عيّت النفس تبغيـه=واللي نبي عيّا البخت لا يجيبه [/poem]
نورة الهوشان
# بعض الأبيات لم يُعرف أصحابها فلم تذكر أسمائهم.
آمل أنها حازت على إعجاب الجميع ....
تقبلوا تحياتي
اخوكم هاوي نجد