بسم الله الرحمن الرحيم

هذه أول مره أشارك فيها في المنتدى وعندي قصه قديمه سمعتها من شايب وفيها من الحكمه والفطنه شي كثير
وما ودي أطول عليكم


يقولون كان فيه ثلاثة أخوان كلهم أساميهم محمد وأبوهم كبير في السن فحس الشايب بقرب أجله فكتب وصيه لأولاده قال فيها.......................... محمد ومحمد يرثون في مالي ومحمد ما يورث في مالي
يوم مات الشايب جو الأخوان يبغون يتقسمون إلا وفيهم واحد ما يورث قالوا الشايب يمكن الكبير ما يورث قال الكبير إلا الصغير ما يورث المهم أنهم أختلفوا ولا عرفوا اللغز اللي حطه ابوهم فراحوا لعده أشخاص من شيوخهم وحكمائهم وكبارهم إلا أنهم ماعرفوا منه إللي مايورث في أخوانه ،،،،،،،،،،،،،،، فأنه يدلهم واحد على شيخ معرووف في ديار بعيده منهم لكنه كان معرف بالحــــــــــــــــــكمه ( مثلي ) المهم قالوا بيروحون له وهم في الخط مسافرين طبعا زمان على رجولهم شافوا جرة بعير قال الأول فيهم هذا البعير أعرج فقال الثاني وهذا البعير أزمع (ما معه ذيل أو مقطوع ) فقال الثالث وهذا البعير أعور فكملوا الطريق فأنه يجيهم واحد قال يالربع ماشفتوا بعير ضايع قال الأول الأعرج قال الثاني الأزمع قال الثالث الأعور قال ايـــه قالوا ماشفناه ولا ندري فينهو قال راعي البعير كيف تعطوني مواصفات البعير حقي وتقولون ما شفناه والله أن أشتكي عليكم عند الشيخ الفلاني قالوا حن بنروح عنده المهم وصلوا عند الشيخ الحكيم قام يبغى يقوم بضيافتهم فقال راعي انا مستعجل وأبغاك تحكم بيننا فقال الشيخ وش عندكم قال راعي البعير سألتهم عن بعير ضايع فقال والأول منهم الأعرج وقال الثاني الأزمع والثالث الأعور فقلت نعم فقالوا والله مشفناه فقال الشيخ لهم من إللي قال الأعرج فقال أنا قال وش عرفك انه اعرج وانت تقول ماشفته قال شفت جرة جهه غايصه في الرمل والجهه الثانيه أخف فقال لالثاني وانت فقال أشوف البعر ينزل دفعه وحده ما هو متفرق فعرفت انه ازمع فقال لالثالث وانت قال أشوفه ياكل من جه والجهه الثانيه ما يأكل منها فقال الشيخ لراعي البعير رح مالك عليهم شي وهم عرفوا وصف بعيرك من معرفتهم بالبل فذهب الراعي؟؟؟؟؟؟؟؟؟؟؟؟؟؟؟؟
المهم قصة الأخوان فقام الشيخ بضيافتهم وقال للعبد حقه وكلنا عبيد لله قاله أذبح للربع و أكرمهم المهم ذبح لهم وجاب العبد المرق لللأخوان او الضيفان والشيخ ما هو عندهم فشرب الأول وقال الشاه هذي نجسه والثاني قال واللي ذبحها نجس طبعا بعد ما شرب فقال الثالث وراعيها ولد حـــــــــــرام (الله ييجيرني واللي يقر ون ) فقام العبد و وصل الكلام للشيخ فأن الشيخ يروح للراعي حق الغنم حقته وقال الشاه هذي نجسه كلامي صح والا غلط فقال العبد إلا صح ماتت أمها وهي صغيره فرضعت من الكلبه فقال الشيخ هذي الأولى وقعت فذهب للعبد اللي ذبح الشاه قال انت يوم ذبحت الشاه كنت نجس قال العبد نعم أحتلمت وما كان فيه وقت أغتسل عشان لا أتأخر على ضيفانك أذبح لهم فقال الثانيه وقعت فذهب لأمه وقال يا أمه منهو أبوي قالت فلان الله يرحمه فقال قولي لي منهو ابوي وألا والله لأذبحششش فقالت أبوك راح زمان في حرب وأبطى والشيطان ياولدي ملعون رحت للراعي ورقد معي فحملت منه وهو أبوك فقال الثالثه و وقعت فذهب للأخوان الضيفان

وقال منهو إللي قال الشاه نجسه فقال الأول انا فقال ومن اللي قال اللي ذبحها نجس فقال الثاني انا فقال من اللي قال وراعيها ولد حـــــــــــــرام فقال الثالث أنا فأن الشيخ يقول محمد الأول والثاني يرثون ومحمد الثالث مايرث
لأن مايعرف ولد الحـــــــــرام إلا ولد الحــــــــــرام.....................




وسلامتكم وآسف على الإطاله و أتمنى من الله أنها تعجبكم

أخوكم / سعيد بن حسين آل مريع الجهيمي البشري القحطاني.

السلام عليكم ورحمة الله وبركاته
يالربع لازم انكم تشاركوني ان كان أنها زينه ولا ماعاد تبغون نجيب مثلها وأطلق منها

يعطيك العافيه

السلام عليكم ورحمة الله وبركاته
شكرا على المرور يالذيب يا بن عياف

الله لا يهينك

ولا تذخر علينا شي

الهدف نفيد ونستفيد

لاهنت يا البشري

على نقل القصه الوافيه الي جات من وافي

علاشانك وعلا لخرى عاانك

السلام عليكم ورحمة الله وبركاته
لا هنت يا أبو ناصر الذيب على المرور

حياك الله يا الجهيمي

القصة فعلاً فيها حكمة

لكن لي مداخلة لو تكرمت

القصة هذي قيلت انها في ابناء نزار بن معد بن عدنان

والأبناء هم مضر وربيعة وانمار

والسالفة انهم اختلفوا في الورث والملك إلي راحوا له عشان يحكم بينهم هو ملك جرهم ويقال له الأفعى

قرأت هذي القصة في كتاب الكامل في التاريخ للمؤلف ان الأثير

وسلامتك

والله أعلم عن صحتها

لا هنـــــــــــت يالطفيلي وانا ما أدري من هي له هذي القصه ومنك نستفيد

الاخ الكريم / سعيد بن حسين آل مريع الجهيمي البشري

لقد ابدعت في هذه السالفه العطره وكم أنا معجب بك وبأبداعك

الى الامام ياوجه كعب



تقبل تحياتي

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]