السلام عليكم ورحمه الله وبركاته

أخواني أبناء قبيلتي أبناء المنتدى الرائع

اشكر القائمين على الموقع الجميل
موضوعي اليوم لايحتمل أي مجاملات نحن ألان في زمن النت
وكل شي غلط لازم يبان ويتصلح

أخواني الكرام اليوم بتكلم عن موضوع يهم كثير من الشباب
وخاصة هالايام في زمن غلاء كل شي وشح الوظائف وقل الرواتب

الزواج

نعم يا اخواني الزواج الذي اصبح هاجس وهم كل شاب وخاصة من أبناء قحطان

لماذا؟؟؟

بحسبه بسيطة يا الربع تعرفون كم معدل تكاليف زواج أي قحطاني؟؟؟

انا حسبتها من أكثر من 5 أشخاص وأخذت معدلهم

كلهم قحاطين


تزوجوا العام واعرفهم كلهم

المعدل تكلفه الزواج + الشقة وتأثيثها

180000 ريال
نعم يا أخوان هذا المعدل بعضهم أكثر وبعضهم اقل بشوي

لحد يجيني ويقول بنات قحطان ما نبيعهم برخيص
كلنا قحاطين ونعز ونقدر بناتنا بس الي حاصل يخلينا نعذبهم بحرمانهم من الزواج بهالشروط والتعجيزات

والله لو تعلمون كم من بنات قحطان عانس والسبب كله في طلبات أبوها الخرافية

ياخوان المسألة ماهي تجاره و اني لازم اتكسب من ظهر بنتي او مثل ما يقول البعض لازم يكون العريس قد الزواج ماديا
اوكي لازم يكون قد الزواج ماديا بس مو بهالطلبات والمبالغ الكبيرة

حرام والله

الحين تجي تشوف البنت لازم تدفع

وبعدين صلح وتدفع فلوس وتجيب ذهب وتجيب شنطه وتجيب بشوت وغتر وخوانها وعمانها وخوالها

وتجي تملك وتعيد الكره من جديد

والعرس وحفل الزواج والذبايح و و و و و

يعني صار الزواج عندنا مكون من 4 خطوات كل خطوه بتدفع فيها مبالغ مو طبيعيه
الشوفه + الصلح+الملكه+الزواج

والله إني اعرف كثير من أبناء القبيلة رواتبهم قليله جداً وعزفوا عن الزواج بسبب هالشروط والتعقيدات
وبعضهم للأسف تزوج مسيار وخاصة من سكنوا خارج المنطقة الجنوبية
انتم على بالكم ان كل قحطاني بيكون غني وفلوسه واجد؟؟!!

ياناس

هالموضوع لازم نحدد فيه المعقول واللامعقول

اقلها نعرف وش إلي لازم يندفع والي مو لازم

الدنيا مهيب مثل أول

والأمور تغيرت

وحنا مثل ما حن عليه

ولا حول ولا قوه إلا بالله

أرجو منكم أخواني الكرام في هذا الموضوع أن نتناقش بكل شفافية وصراحة في موضوع الصلح والزواج وكل ما يجب أن يقوم به العريس وما يجب عليه وما لا يجب

وكيف نستطيع تسهيل هالامور


أشكركم على أتاحه الفرصة وأتمنى أن تثرون الموضوع بمداخلاتكم القيمه

لنجعل هذا الموضوع مثار للنقاش والآراء والحلول


ألف شكر