[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
راضي بن غالي =
مرحبا مرحبا بضيوف بنـي رشيـد=عبس واللي عرف عبس يعرف عنتره
يابن ريفـه تقـدم فيـد ولا استفيـد=كل شاعر هواجيس الشعـر تامـره
فلاح القرقاح =
البقا يالمرحب جعل عمرك مديـد=وانت شاعر ولك عزوه ولك مقدره
كل حفله نواجه وجه شاعر جديد=جعل بالامر خير وجعل فيه اخيره
راضي بن غالي=
مشكلة راشد الماجد وعبدالمجيد=طورت ناس بالتطبيل والجمهره
انت بالساحل الشرقي وعنا بعيد=بان وجه الحقيقه ماعليه اغبره
فلاح القرقاح=
كل واحد بجهـده والكـلام الاكيـد=ساعة الصفر بطن السيف ولا اظهره
مايجيب الرسايل غير ساع البريـد=مير عـد التذاكـر تذكـره تذكـره
راضي بن غالي =
عنتر السيف عنتر وابا زيـد ابازيـد=اثر الاوضاع خارجت(ن) عن السيطره
مرة(ن) ثانيـه والله لاكـرر واعيـد=وانت موقفك بين الذنـب والمغفـره
فلاح القرقاح=
وش يجيب الرياحي للزلامي رشيد=كل واحد سرى وحده على موتـره
كيف نرضيك ياراضي وراسك عنيد=تشغل الناس بالفرجار والمسطـره
راضي بن غالي=
قالها ناصر الشغار وابن حميـد=جعل ذيل النمونه تاليتهم مـره
والله إنا بدو واهل ابل دايم شديد=مانعرف اهل المكياج والبـودره
فلاح القرقاح =
المشايخ يجيبون الحكم والقصيد=واحد(ن) منهم لحاله يضد عشره
يابدو يابدو حطو على القيد قيد=لايساق البعير شعيل للمجـزره
راضيبن غالي =
المشايخ يقولون المجاهد شهيد=وانت منهم ولكن ماتحل اكفره
[/poem]

__________________