[poem=font="Simplified Arabic,3,white,bold,italic" bkcolor="transparent" bkimage="backgrounds/21.gif" border="none,medium,gray" type=4 line=1 align=center use=ex num="0,black"]
الصبر غلاق والأنفس معه ماجورة = كانها ماطاعت الحساد والشيطاني

والرفيق اللي لحق غيضة على مذكورة = ماوصل الأول وعينه ماتشوف الثاني

دق هاجوسه وفوح في القصيد قدوره = والعور مايحكم إلا ديرة العمياني

دايم المغرور ماينهيه غير غروره = لو يبقى حي في عيون النشاما فاني

مير وين اللي معه مساحة السبورة = يمسح القاصي ويمسح من وراه الداني

ماتعنز ساق مكسورة عصا مكسورة = صح يالسان الشعر والله يصح لساني

هكذا ياملعب الكورة نشوت الكورة = مارواه الترمذي صحح له الألباني

جعل ليل بثتك شاشته صوت وصورة = مايوفق صالح الشيعي مع النصراني

وراعي التنور لو نكتم لهب تنوره = مات من جوعه ويبكي موته الشبعاني

والشعر لوحة على حيط الزمن مسمورة = ماتنزل للبليد وراعي المرحاني

يمتلكها شاعر مارقصوا جمهوره = والحمل ماشله إلا شامخ النيباني

والبحر جوفه عميق وغبته مخطورة = كان تبغى تجلب الياقوت والمرجاني

وفكرة المقهى وكوب الشاي والبربورة = ماأشبعت جايع ولا يروابها الظمياني

أبتلشنا فيك يالدكان والشابورة = أفتح الدكان وإلا سكر الدكاني

العرب الأفغان ماتت في سبيل الثورة = وأنت لاأنت من هل الثورة ولا أنت أفغاني[/poem]

__________________