[poem=font="Arial,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تداحم في ضميري من تعابير القصيد بحور=وأنا محتاج أعبرها ولا أجهل في معابرها
لها معنى كبير يداعب إحساسي فرح وسرور=مشاعر ودي أترجم معانيها وأصورها
مادام إن الحياة شعور وأسباب القصيد شعور=ومضمون القصيده صدقها من صدق شاعرها
هلا حياك ياوجه بزوغه للمكارم نور=ياكثر اللي تباشر بك ويا مكبر بشايرها
سموك يا سمي المصطفى بأجمل خبر منشور=جمعت الناس بالأفراح وإلتمت مشاعرها
كفاك الله شر الحاسدين ونظرة المغمور=ويحميك الولي من عالم سود ضمايرها
يسمونك محمد يامحمد وإسمك المشهور=حظيت بشرة ياما تعب غيرك يدورها
تجاذبك الحرار اللي مواكرها بشم القور=سجل المجد يحكي بالمفاخر عن مفاخرها
سلايل دولة أل سعود نعم الذخر والمذخور=ملوك يقتبس كل إعربياً من ذخايرها
مفاخر فيصلياً له بتاريخ الزعامة دور=شموخ الشجرة اللي طاب ماضيها وحاضرها
ولك من راس إبن مكتوم مجد آخر وطيب جذور=شيوخ يشهد التاريخ لأولها ولآخره
عريبين النسب رمز الشرف والقدر والمقدور=لهم من سيرة الأمجاد وافيها وعاطرها
لهم بالجود جود وبالأدب مبدى ورآس وشور=لسان"دبي"يحكي فعل حاميها وعامرها
أدام الله فرحنا فيك يابن مزبن المعسور=ليا منه بلش في حملة ماهو بقادرها
وفا عبدالعزيز ليا لحق بعض الطوال قصور=إله يمناً تطول مدة اليمنى وتقصرها
تساما سيدي في عز مايسمى به المغرور=وتواضع في شموخ شيمة أهل الكبر كابرها
فتح بيبان بيته لاغدت بعض البيوت قبور=وملك روس الرجال بطيب وإنقادت خواطرها
واخذ من طبع أبوه سعود درس ومعرفه وحضور=وقال دروب أبوي الكايده ماني مغيرها
جمع عز ومهابه وإعتبارٍ يوجع المقهور=يغيظ عداه والأصحاب في ماحل يخشرها
ليا منه نخاه اللي عليه من الليالي جور=وقف له وقفة بالعين شايفها وخابرها
عسى له من محمد موجبات البر والمشكور=عظيم كون الدنيا ويعلم في سرايرها[/poem]

تسلم يمينك.......ولا هنت يا عشــاق

وصح لسان سلطـان

قصيده رائعـه فعلأ... من شاعر مبدع ... ومميـز

ومشكور على نقل القصيده ... وكلك ذووووق يا عشــاق

ســــــــــاري

تسلم على مرورك بالموضوع

اخوي ساري

وحياك الله

يامال العافيةعلى هذه الرائعة من شاعر الوزن الثقيل شعراً وابداعاً

__________________
أحمــــــــــــــــــــــــــــــــــــــــــــ بن حناش ـــــــــــــــــــــــــــــــــــــــــــــــــد

النعـــــــــم ماكل رجال بيشتله ********* الا غلاماً على الغزلان متســـــاوي
النعــــم يستاهله حناش جارالله ********* مكرم دقون النشاما بازرق الجاوي

ياهلا ومرحبا وتسلم على مرورك يبن حناش

تقبل تحياتي

صح السان الشاعر سلطان الهاجري
قصيده وافيه وجزله ويكفي انها لشاعر بحجم الشاعر البارز والمعروف سلطان بن وسام الهاجري
الشاعر المميز جدآ في النظم وفي المحاوره ويشكل مع ابن شايق والقرقاح ثلاثي قحطان المرعب
لشعراء الرد ..
عشاق بيض الله وجهك ياعشاق مشاركاتك الصراحه من العيار الثقيل وجهدك واضح .
تقبل تحيات
اخوك
خالد

__________________
[frame="4 60"]لااله الاانت سبحانك اني كنت من الظالمين [/frame]

مشكورين على المرور

وبيض الله وجيهكم

تحياتي