[poem=font="traditional arabic,6,black,bold,normal" bkcolor="transparent" bkimage="backgrounds/27.gif" border="none,4,gray" type=2 line=0 align=center use=ex num=",black""]
يا بنت انا ثوبي من العز مرتوب=مرتوب من راسي لياحد الاقدام

حنا شربنا المجد كوبا ورا كوب=يا شين نفس الحر الأقطم

ليا شام من الذهب تاريخ في نجد مكتوب=وروسنا هامات ما فوقها هام

ماعمرنا نلبس لنا ثوب مقلوب=ملبوسنا عمامه على الراس من خام

مشروبنا زرع اليمن بن مجلوب=مذخورنا منسف مع رمح وحسام

مركوبنا جيشن من عمان مجذوب=مجذوب من مسقط سريعات وهمام

العز ماهو سكبة الشمغ والثوب=العز كنزا وارثينه من اعوام

عزورثته تاج منسوج من صوب=صوب الخوال وورث من جد واعمام

يوم التفاخر رمح وحصان مركوب=يوم العزاوي بالجهل قبل الاسلام

فنجال شيخ مورد السيف مشروب=شربه أرعاب الخيل والموت قدام

يوم الطراد وصاح به كل رعبوب=وارواحنا مابين بايع وسوام

لعيونها شيخ الحفيفين مصلوب=خلي عشا للسبع والطيرلاحام

المجد غاية كل نشمي ومطلوب=والطيب وزع بين الاجواد بأقسام

اخاف انا يابنت من عز مضروب=عزا يدوم وعز يابنت مادام

عز المظاهر توه اليوم يادوب=دوبه ظهر يذبل على مر الأيام

هذا خطأ ماهوب لا ذوق واسلوب=شخصن يظيم الناس لابد ينظام

في الكلمه اللي قلتها تكسب ذنوب=تجرح لها احساسن وتكسرلها عظام

اخذ الحذر لاترمي الناس بالطوب=الخوف لوبيتك قزاز مع رخام

لاكن مااظلم نفسي اعرفك محسوب=اهلك هل الطولات من روس الأقوام

برستيج صح وعندك اخلاق حبوب=لكن تخم الهرج مرات خمخام

يابنت انا ثوبي من العزمرتوب=مرتوب من راسي ليا حد الأقدام

[/poem]

__________________

أجمل شي في ألانسان قلب صافي يدعو لك

صح لسان الشاعر: شالح بن سفران
لاهنت على الطرح المتميز