يا علي

[poem=font="Simplified Arabic,4,black,bold,italic" bkcolor="orange" bkimage="backgrounds/4.gif" border="double,5,gray" type=0 line=0 align=center use=ex num="0,black"]
قصيدة الشاعر / ثعيل حسين العتيبي موجهه الى الشاعر / علي القحطاني


سلام تسليم على كل قانون = يخضع له السامع جناح العداله
مني لأبو ميسون فكره ومضمون = نهدي السلام ولانعده جماله
ماني مصدق في علي لو تقولون = قريت شعره واكتفيت بمقاله
لو حط مع شعره من الشعر مليون = عرفت قافه كن قافه لحاله
في صفحت الكوثر وصفحات ميسون = يلقى به السائل جواب لسؤاله
سليم في معناه والنص موزون = اوضح من العنوان فوق الرساله
والبيت لازايد ولاهو من دون = وانا اعتبرته للقصيد انتقاله
من كثر ماجرب وماشاف في الكون = يستوحي الابداع قوة خياله
ياعلي فيك الحب والحب ملعون = علم الهوى متخصص في مجاله
ياعلي انا زيك مولع ومفتون = باموت من حب البني لامحاله
يهيم قلبي في هوى عيون بعيون = ياعلي مدري عقل ولاجماله
هذا وخصيتك بالابيات ممنون = بس التعرف مقصدي والزماله
لامدرور حاجه ولاني بمديون = وكل على ماقيل يغنيه ماله



رد الشاعر / علي القحطاني


حيا الله اللي ينظم القاف بفنوان = بداع الآبيات الحسان الجزاله
عد الحجيج الى لبيته يحجون = ماسلم المسلم على البيت واله
سعو وطافو ثم قامو يصلون = من تم حجه شد لاهله رحاله
آبيات عذبه كنها در مكنون = ولاعنب وادي ظهر في و سلاله
اما نثرها كا البرد صافي اللون = اوصفها صف الثنايا الغزاله
وليته قراها ياثعيل ابن خلدون = اما اعترف والاعطاك الزماله
ياثعيل كل الناس زيك يحبون = وانا رمتني في المبرز غزاله
في عبنها المنى قصيد ابن لعبون = وفي عينها اليسرى الهوى واثماله
جتني مع الشارع تمشي على الهون = ومالت بقلبي وانقطع من حباله
حوريه ماضمها قصر هارون = ولاجنوب الشام ولاشماله
هاضت على قلبي من الماضي شجون = وقت مضالي مع غزال السباله
وامسيت كني بين الاضلاع مطعون = ونيت ونه عود فارق عياله
ومن ونتي سمعني قال مجنون = ماهو بعارف علتي من خباله
غطيت جرحي ماابغى الناس يدرون = ويقول يستاهل على ماجراله
العشق يابن حسين للناس مسنون = من مات قلبه وش تبي في قباله [/poem]