قصيدة بعنوان (سلم أقحطاني),,,

السلام عليكم ورحمة الله بركاتة

هذة القصيدة كتبتها في الاخ سلطان ابن مقبل بمناسبة التخرج من الجامعة وكتبت معها

بعض من الخاطرة وعسى أن تحوز على أستحسانكم .

وأقول وعمر القارئيين يطول /


أبدأ كلامي بذكر الي بحفظة حماني _______ الواحد المعبود رب كل البرية



يا مرحبا تراحيب المطر سلم أقحطاني ______ سلم الرجال ابن الرجال أهل الحمية



سلطان ابن مقبل ترى شوقي دعاني _______ شوق الخوي الي يبي يصافح خوية



شوق(ن) يهنيك مع طيب الأماني ________ بمناسبة نيلك شهادتك الجامعية



أبشكرك على صبرك و حياة التفاني _______ ومجاهدك بالغربة ترى ما هي شوية



وأعلم ترى رزق الفتى من طول الزماني _______ مكتوب في لوح(ن) بها كل نية



وأنا أحمد الله ألي على كيفي عطاني ________ رفاقة الأجواد ماهي رفاقة ردية



رفاقة(ن) أنبنت على عز ومعاني ________ ما قطعتها أسلاك الليالي القوية



وحنا وأنا ابن أبوي لجدانك عواني _______ وحنا نسابة عمك ناصر العاطفية



وياجعل من جابك لها الخضر الحساني ______ في داخل الجنات تشرب لها شربة هنية



حبيت أبين شي(ن) في خاطري وأحتواني ______ وأبغى الردود الطيبة مع طيب التحية



وترى الرفيق ألي هويتة لو أنة جفاني _______ حبة جرى بالدم غصب(ن) علية



وصلاة ربي على النبي الهاشمي العدناني _______ اعداد وبل(ن) نزل على نجد العذية


وسلامتكم,,,,,,,,,,


اخوكم ابن الأسود العاطفي ,,,,,,,

صح لسانك يابن الاسود

ومبروك التخرج للاخ سلطان

تقبل مروري

صح لسانك يابن عاطف
وانا كتبت كم بيت مجاراه لقصيدتك اتمنى تنال (((((((( اعجاب الجميع ))))))))

حي القصيد وحي ذيك المعاني******العاطفي بارك تـخرج خويــــه
وانا ببارك بســم كل قحـطاني******الفيـن مــبرك اعـتبرها شـويـه
واخر كلامي بقول صح لسـاني******وياحي ذيـك العزوه العاطفيه

وسلامتكم

__________________

بسم الله الرحمن الرحيم
السلام عليكم ورحمة الله وبركاته

صح لساااااااااااااااااااااااااااااانك

ومبروك التخرج للاخ سلطان

تقبل مروري

الاخ بو تركي العبيدي :

صح بدنك وتسلم الله يطول بعمرك على الطاعة

والله يبارك بأيامك ولاهنت ,,,,

الاخ خيال الزرقاء:

صح بدنك يبناخي وتسلم الله لايهينك على الابيات

الطيبة يا ولد منتب سهل اثرك شويعر لعيونك ذا البيتين قلتها فيك :

خيال الزرقاء يا بعد من هداني_____ طيب المعاني وقوافيها القوية

لك جزيل الشكر ووافر أمتناني_____على طيبك ومشاعرك العاطفية

السلام عليكم ورحمة الله وبركاته

أرررررررررررررررررررحب

الله يوفقك يالغالي

وااااالى الامام

الف مليون مبروك

البقاء وصح بدنك ولاهنت,,,,,,,,

لاهنت وصح لسانك