السلام عليكم

ابغى اسال عن الدريب اللي بالحوطة هم قحاطين والا لا

لاني اختلفت مع واحد هو يقول قحاطين وانا اقول لا

واذا كانوا قحاطين من جدهم

الله لايهينكم

ودي أخدمك لكن ما أعرف....



أنتظر شوي ويجون أهل الإختصاص.......



أخوك/ محمد التميمي

__________________
لولا المواقف ماعرفـت الرجاجيـل
ولا عرفت ان ا لمواقف لها رجـال

انا اشهد ان به ناس وقت البهاذيـل
لاحل وقت الجد يطرى على البـال


بعض الرجال كبـار وماكـل رجـال ٍ يمـد الفناجـيـل
يعرف سلوم المرجلة في كل الاحوال لكـن مهابيـل
المرجلة ماهيـب بالكبـر والمـال

وبعض الرجال اجسام لكن تماثيـل
جسم ٍ كبير وداخلـه قلـب تمثـال

يملى عيونك بالشكـل كنّـه الفيـل
ولا جد وقت الجد كذّبـت الاشكـال

ماينفعك وقـت الشدايـد بتحصيـل
ياليت تسلم من هروجـه والاقـوال

تسلم

السلام عليكم ورحمه الله وبركاته
كيف حالك ياخوي بالنسبه لعائله الدريب ممكن انها ترجع لقحطان الي هي من نسل يشجب بن يعرب بن قحطان وليس المقصود به انه من قحطان القريبه لان العرب زي ماحنا عارفين ينقسم الى قسمين الي هي قحطان عرب عاربه وعدنان عرب مستعربه والمقصد ممكن انه من قحطان العاربه وفكر انه من قحطان الي هي العائله القحطاني وهذا خطأ يقع فيه بعض الناس والله اعلم

ولعلي افدك اخوك
صالح بن سعد

الآن أي واحد تقولة وش أصلك يقول قحطاني على طول يلزق عمرة غصب وهو يقصد قحطان اللي هو العرب العاربة ، واللي يسألة يعتقد انه من قحطان القريبة ولايمكن انك تنكر عليه لأنه ممكن يكون من قحطان اخو عدنان

صحيح ولنا الفخر ان الواحد يبغى يتقرب لنا وان دل هذا الشي دل على اصالتنا وعراقتنا ومعدنا الطيب

فيوجد عدد كبيرا من القبائل الذي ترجع قحطان ومنها

شهران وغامد وزهران وثماله وبارق والمع فهولاء اخوان


وبني شهر وبني عمر يرجعون في ال حجر ابن الهنو ابن الازد

وغيرها من القبائل

وكلها تحت نسل سبا ابن يشجب ابن يعرب ابن قحطان ابن هود

والسلام عليكم ورحمه الله وبركاته

اخوكم صالح