يــــالحـون العــود ولا يــامجاريــر الــربابــه *** اختلف معنى القصيد وضيـع الفنــان فنـــه
حلم مدري علم ولا نـوض برق(ن) في سحابـه *** واثرها طلة جبينــه يــوم زاح الليــل عنــه
اقبلــت مثــل الـفــرس لا سمعت طبول الحرابه *** مقتفيها ليل(ن) اســود والنجــوم يفـرقنـه
النهــار يمــر ويعــدي وليلــه فــي عقــابــه *** والنحر صبح(ن) تجلــى والجدايــل كنهنــه
مخمــل(ن) يلتـف حـول الجيد الاتلــع بالنيابه *** عن سلاسيل الذهب والماس خوفي يجرحنه
غــاب عني والولـه خلاه عنـدي في غيابــه *** مادرى ان فرقاه نـار ولا درى الا مـاه جنه
ياوجودي وجــد عـود(ن) لا عيـال ولا قـرابـه *** مـــاجــداه الا يــون ويــردف الـونـه بونــه
لا لقى فزعـة قـرب ولا دعـاة(ن) مستجــابــه *** كــل مـامسى له بظن(ن) خيبة الايــام ظنـه
وياوجودي وجد من صفق على ماضي شبابه *** بــان شيبــه والسنيـن اللي يبيهن خالفنه
غرتـه خضـر السنين وراح عمـره مــادرى بـه *** غــررنــه وارفعنــه ليــن ســج وحــولنــه
ذاك وجــدي في غياب اللــي نزح والله جابه *** صح فرض اللهِ فــرض وسنـة الرسول سنه
الغلا جسم(ن) رقيق(ن) مرهـف احساسي ثيابه *** مثل غصن الورد يوم ان الهبايــب يطـرقنه