مرثية الشيخ / مانع بن مذكر ال سلمان الحرقان ...

[poem=font="traditional arabic,6,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num=",black""]
يا الله يا سامع دبيب النمل من فوق الصخر = في ليلة" سوادها غطا على كل السواد
عنّي ووفقني وزودني على الدنيا صبر = ماغيرك أحدن أرتجيله وانت خلاّق العباد
عفوك ولطفك يا الهن نعبدك سر وجهر = في ساعة" ما ينفع الرجال مال ولا عتاد
انت الذخر وانت السند وانت الذرا وانت الستر = لا ضاق عبدك ثم ضاقت به وسيعات البلاد
البارحه فزيت من نومي قبل وقت الفجر = جاني اتصال نكد الخاطر وزودني نكاد
جاني الخبر والعلم يا محمد ويا شين الخبر = رفعت راسي من المخده ما بقى فيها رقاد
قال المعلم مات مانع يا علي قلت إستخر = قمت أعتزي نسيت بان الله ليا من راد راد
مرحوم يا دمث الجناب اللي تحديت الفقر = ذخر القبيله كلها قريبهم واللي بعاد
مانع ومانع ليذكرت اسمه وسمعوني البشر = كل" يقول ونعم ببو جريب حلال العقاد
كريم سبلا مدته إتجبر اللي ما جبر = ضيفان بيته ما شكوا من قل حال وقل زاد
له مجلس" يستاسع الخطار بدوان وحضر = وجهة تشابه مجلسه في كبر بابه والشداد
كم عاطل" سعى لتوظيفه ولا هو يعتذر = في لازم الغالي يفز وفزته فزة جواد
اليا عثر حظ الردي والاش حظه ما عثر = ياقفلها ياقفلها لو هي على قدح الزناد
يافي ويستافي وشبره في الجمايل ما قصر = وجهه يجيب الكايده بالطوع والا بالعناد
سهمه بسوق المرجله في ذمتي ما قد خسر = لا قال طال وهرجته ليجات دايم في سداد
ويش أختصر في فعول مانع يا عرب ويش أختصر = بيتوه فكري والشعر هاذي الحقيقه والوكاد
فيالله توسعها عليه ان كان ضاق به القبر = وعظه جنانك وألبسه بالرحمه ثياب" جداد
وأنك تعيض اهله وربعه في فراقه بالصبر = يا كاشف الأسرار يا عالم بما يكنى الفواد
وختامها صلوا على محمد عدد منشى المطر = شفيع خلقه يوم لا ينفع رفيق ولا عتاد

بن شبله [/poem]

صح لسانك ياعلي

والله يرحم مانع بن مذكر

__________________

صح لسانك ياعلي والله يرحم مانع بن مذكر آل سلمان



تقبل تحياتي

__________________
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
طرفنا ورى تثليث غرب وربعنا = على الطارف الشرقي ورى ديرة الياسي
تغازو بها يوم العدا يرهبونها = على قاطعات البيد من كل عرماسي
[/poem]

نسال الله العلي العظيم انه يوسع قبره ويرحمه ويسكنه فسيح جناته ولا نقول الا (انا لله وانا اليه راجعون ) وصح لسانك يا علي لا عدمناك ,,,

صح الله السانك يابوسالم

__________________

alisq99@hotmail.com

صح لسانك ياعلي

والله يرحم مانع بن مذكر

__________________

الله يغفر لابوجريب والله انه فقيدة وبيض الله وجهك على هذي القصيدة هذا الشعر ولا بلاش

__________________
تهب الهبوب وكل ساعة تجيك علوم