[poem=font="simplified arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
حنّا سعوديين لاشبت الحرب =نفطر قنابل ونتعشا دناميت
يدري نجاد ويدري الشرق والغرب = دعات سلم ولا بلينا عفاريت
لاجل الوطن نضرب عن الزاد والشرب = نفداه بالارواح عن كل خرتيت
ونحب ابو متعب على البعد والقرب =حب القلوب لطيّب القلب والصيت
لاشك لاحقنا من الضيم والكرب = ماضيّق العيشه على الحي والميت
صرنا نغيّب جدول الطرح والضرب = لوكان مانشبع من الغاز والزيت
ورعنّا حصلان وجنوب جرب =وأكبر مصيبه عندنا تمتلك بيت
ولىّ تحصل لك وظيفه معا العُرب = في ساعةٍ حامو عليك الشواويت
الفقر لاوينا على شوكة الزرب =لو الغنى ماهوب بعنا تفاويت
كلٍ علينا نفخ اللغد والذرب = عساف يعسفنا وخالد يبلفيت
وأهل البشوت اللي لهم موقفٍ ذرب =في ظاهره ولّى البواطن نواحيت
اتقطع الارزاق وتسكّر الدرب = وتحط من دون الحقايق كواليت
وأهل الطمع ثارو كما ثورة الصرب = شبو لنا نار الغلى بالكباريت
عند البنوك صفوف ورقابنا دُرب = ومدنقين روسنا للكوافيت
واللي يغرد دايمٍ خارج السرب = له مصلحه ولا يعيين فتافيت
هذي حقيقتنا ولو ماني بطرب = أقولها وإن طوّل الوضع بنهيت[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]

الله يصلح الحال

و يسترنا بستره

و يكفينا شر من فيه شر

و يرد كيده في نحره

و الله يديم علينا الأمن و الأمان

و يحفظ أبو متعب و يوفقه لكل مافيه خير و صلاح

و يهيأ له البطانة الصالحة اللي تعينه على الخير.

والله يهدي ضال المسلمين.


قصيدة رائعة

عبرت فيها عن وجهة نظرك

و صح الله لسانك

و على الثانية عانك



أخوك
مبارك بن حاضر

__________________

صح لسانك

__________________


نشكي على الله ضيقة الصدر والبال ,,, ونصبر على الصدمات لو هي خطيرة
محـــــــد بميـــــت جـــوع والخبز بريــال ,,, والماء بلاش ورحمـــة الله كبيـــرة

صح لساااااااااااانك ملاييييييييييييين يابو شايع وقصيده جزله
والله يديم حكامنا ويعزهم زلا يذلهم
ونسال الله العظيم انه يزيل من كان فاسد من البطانه

لك تحياتي

__________________

ارحب يابو شايع
وصح لسانك وبيض الله وجهك
أصبت الهدف في قلبه
ننتظر جديدك
تحياتي وتقديري

__________________

وأهـل الطمـع ثــارو كـمـا ثــورة الـصـرب
شــبـــو لــنـــا نـــــار الـغــلــى بـالـكـبـاريــت
عـنــد الـبـنـوك صــفــوف ورقـابـنــا دُرب
ومـــدنـــقـــيـــن روســــــنــــــا لــلــكـــوافـــيـــت



الله يزيّنها من عنده انه القادر على ذلك



صح لسانك يابوشايع وعلى الاخرى عانك



وننتظر جديدك