[poem=font=",6,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

الْيا اخْتلط وكر الصقور بشي من بيض النعام=تنبت مخاليب الرخم واسترخمت منها الصقور

وانشلّت كفوف الشهامة في حضور بْلا مقام=وانسلّت سيوف الندامة في مقام بْلا حضور

ويساق فنجال المذلة في يمين ابن الكرام=ويذوق فنجال المعزة قاطع الساقه حدور

في وقت ما شفنا بياضه والقضايا ما تنام=يبني على سود الليالي عنكبوته دور دور

والشمس متعثّر ضياها في مشابيك الظلام=والعدل في عصر العدالة مظلمٍ والظلم نور

وْحنا نهنّي بعضنا لا راح عام وحلّ عام=والحزن يحفر للرجاوي كل عام مْن القبور

مدري على ويش التهاني والتباريك العظام=والوضع والله عارفينه من ثبور الْيا ثبور

الْيا متى نبقى على ذالحال في وضع السلام=والمسجد الأقصى من السبعة وستين مْخفور

يا نفس شومي وابعدي عن الغثا بارْضٍ عدام=واستوحشي مع الذيابة خير من جهل وغرور

ما بين خسران الامور وبين مسكك للزمام=ما ينفعك مسك الزمام اليا افْلتت منك الامور

[/poem]

__________________
[poem=font="Arabic Transparent,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
ننزل في منازل حي(ن)اقفو=وينزل في منازلنا نزول
وكثر المال تفناه السنين=وحكم غير حكم الله يزول
[/poem]

__________________

صح لسانك وبيض الله وجهك

صح لسانك وبيض الله وجهك

__________________