[poem=font="simplified arabic,6,red,normal,normal" bkcolor="transparent" bkimage="" border="groove,4,gray" type=0 line=0 align=center use=ex num="1,black""]
اليا احتمى راسي صقلت البواتير=واشهرت سيف(ن) للوازم قنيته
سيف القصيد الي يشوق المناعير=فالموقف المشهود قمت وقريته
لاصار مال الشعر موقف وتعبير =لاتنشغل في وزن شطره وبيته
سلام تسليم(ن) يهز الطوابير=على حزامي فالليالي المقيته
ربعي سنادي مكرمين الخطاطير=حمرية تزهى الشرف لارقيته
سلام اطيب من ورود الازاهير=في خايع ممطور واظهر نبيته
ياربعنا مساكم الله بالخير=عندي كلام (ن)في ضميري كنيته
ماقول انا شايب وانا ماني صغير=لكن وردت العد الاوسط وجيته
العز في الجمعى بحب وتقدير=ونفوسنا في حبها مستميته
الوقت فرقنا دروب ومشاوير =وكلن على فاله بداره وبيته
لكن اليارز الوعد واخبر الطير=رجالنا لامن نخيته لقيته
نشفي ونبرد كبد من ضده الغير=وناطى على العايل ونخفي صويته
اليا احتمى الموقف توطاه جنزير=ويصير جمع القوم صرعى شتيته
لانغدر المقفي ولانسلب بعير= وعند الخوي والجار نحمي مبيته
عكس الذي يغتال من دون تبرير=شناعة التنفيذ لحظة بغيته
ياليتنا عنده على الفور ونغير=نكسر شبا ضده ونلعن حفيته
مانعترض في حكم والي المقادير=الله كتب علمن بعيني رايته
ويالله يامحكم جميع التدابير=ربن اليا ضاقت علينا دعيته
اختم لنا بالخير ياوالي الخير=وارحم فقيدن باندفن مانسيته
وصلاة ربي عد وبل مزابير= على النبي واعداد من طاف بيته[/poem]

__________________
سبحان الله وبحمده سبحان الله العظيم

صح لسانك يابو مشبب..

والله ونعم يال الصقر...

والله يرحم فقيدكم..ويصلح الشان...

تحيات اخوك سعيد بن سياف ال قريش..

لاهنت صح السانك ابيض وجه

صح لسانك ورحم الله عبدالله وأسكنه فسيح جناته

اخـتــم لــنــا بـالـخـيـر يــاوالــي الـخـيــر
وارحــــــم فــقــيــدن بــانــدفــن مـانـسـيـتــه


الله يرحمه و يسكنه الجنه

و احسن الله عزاكم

و الله يعوضكم فيه خير.



ماقول انا شايب وانـا مانـي صغيـر
لـكــن وردت الــعــد الاوســــط وجـيـتــه


كفو

و صح الله لسانك

.


أخوك
مبارك بن حاضر ال جمان

__________________

صح لسانك يابو علي
واسأل ان يرحم عبدالله
ويرفع درجاته بالجنه

وينصر اهله واحبابه
انه قوي عزيز
تحياتي

__________________

صح بدنك يابوسياف واسعدني مرورك

__________________
سبحان الله وبحمده سبحان الله العظيم

صح بدنك وشرفني مرورك يالغالي

__________________
سبحان الله وبحمده سبحان الله العظيم

صح بدنك وجزاك الله خير وسمع الله دعاك

__________________
سبحان الله وبحمده سبحان الله العظيم

صح بدنك ولاعليك زود يابن عمي وشرفني مرورك

__________________
سبحان الله وبحمده سبحان الله العظيم