- في الغالب أُجيد لغة (الصمت) ,, مع (هواة) الكلام المتعرج حد الشفقة ,,!
- ولكن عندما (يدفن) الحق حياً ,, يصبح (الصوت) رجلاً ,, لـ/إيقاظ الضمير من (سُباته) ,,!!
- ياسر القحطاني قبل أن يكون (لاعباً) ,, هو أخي في الله ,,!!
- اقبلها مني يا يالسر ,, من القلب لـ/القلب ,,!!

لشعر وقفة والمشاعر لها حين
والشاعر يرد الكلام لـ/قصيده !!


طولت صبر "الصمت" ما - بيني وبين
هم الضمير- ,, وراح صوتي فقيده !


صعبة تشوف اخوك فـ/الله والدين
تجتاحه حلوق النفوس البليدة


وتصد عنه وتتركه بين نارين
نار الحسود ونار قوم المكيدة !


حاكوا سوالفهم ردى قبل عامين
يسقيهم الشيطان صافي وريده !


واختلقوا من الزور والكذب سكين
لكنها عن ظهر ياسر بعيدة !!


ياما سعوا تدنيس في سيرته لين
جاب (الحبيّب) قبل الاعياد عيده !


تجمعوا , قالوا , وقالوا , وبعدين !
"الهرج" عج ,, ونقوة الهرج "صيدة" !!


وجيههم طاحت على صفحة الطين
واحلامهم من ياسهم ,, مستفيدة !


مكسورة الخاطر ومكسورة العين
هذا قدر من توّج الحقد سيده !!


لو ان فيهم عرق دم و عزيزين
ردتهم سلوم الشرف و العقيدة !


واليا تمادوا فـ/الحكي ربك يعين
قل (حسبي المعبود ناصر عبيده) !!


يا ياسر ان كان المراجل عناوين
انا اشهد انك للمراجل "وليدة"!


يكفيك لا قالوا لك الناس (من وين؟)
قلت : قحطاني والعزاوي رفيدة !


مكانتك فالقلب والراس والعين
قبل الهلال و صورتك فالجريدة !!


جمهورك الوافي على العسر واللين
وقدرك مع الأيام , صبرك يزيده !


ياما سهامك غازلتها نياشين
ياما عزفنا من فنونك نشيدة


من قيمتك شف قيمة الرقم عشرين
وشلون يهدى للطفل يوم عيده!


نعاتبك لكن (عتاب المحبين)
تدري وش اللي نطمح اله ونريده ؟!


تذكر (السبعة بعد عام الألفين )
وافتح مع الأمجاد صفحة جديدة !!!

__________________

مرحبا ترليون يا الربيعي

صح لسانك وبيض الله وجهك يا مبدع

ويستاهل أبو عبدالعزيز ..

دمت لنا ..

__________________

كفو يالربيعي وبيض الله وجهك

ويستاهل بو عبدالعزيز ان اشهد انه وافي

وما زاد حساده الا غم وقهر

لاهنت يابو سعد وتقبل مروري

__________________

صح لسانك يالربيعي

وياسر كفو ويستاهل

ولايهمه ولايهمنا كلام المغرضين

تحياتي وتقديري لك

__________________

لا هنت يا أبو عساف ويا بن دغيم ويا سعد

على المرور ........ بيض الله وجيهكم

تحياتي لكم وماقصرتوا ...

......(( الربيعي )).......

__________________

نتمنى ان يعود الى مستواه

__________________

]لا اله الا الله
محمد رسول الله

لاهنت يالفرعيني على المرور وبالتوفيق


.......(( الربيعي )).......

__________________

--------------------------------------------------------------------------------
كفو يالربيعي وبيض الله وجهك

ويستاهل بو عبدالعزيز ان اشهد انه وافي

وما زاد حساده الا غم وقهر

لاهنت يابو سعد وتقبل مروري

__________________
محمد بن عبيان آل سالم الفهري

لاهنت يالفهري على المرور وبيض الله وجهك ....


........ (( الربيعي )) .........

__________________

أبشركم بأنه بعد توفيق الله عاد أبو عبد العزيز

للتهديف وإن شاء الله إنها

بداية الرجوع إلى مستواه المعروف فلن يستطيع

أحد إنكار أهمية الهدف الذي سجله ياسر

للفريق الهلالي وبذلك أسكت الجميع

بهدف الفوز على الإتفاق ( إلي ماقدروا عليه بعض الناس )

فريق الإتفاق الذي أخرج وأحرج فريق الإتحاد من

كأس ولي العهد .....؟؟؟؟؟

وبصراحة أشبه الذي يحول الخسارة إلى فوز كالفرس

الأصيلة لا تظهر إلا في الأمتار القريبة من النهاية .

فالـهــــــ يستحق الفوز بجدارة ــــــــــلال

__________________